IBRANI 8:4 - Alkitab Singog In Mongondow Masa In Tanaa

⁴ Aka Sia in nogutun kon dunia naa, dá diábí nobaḻí Imang in Sia, sin oyúon bidon in imang kon dunia naa inta moposumba in kuruban inta pinoigum in hukum agama Yahudi.

IBRANI 8:4 Referans Kwoze

IBRANI 5:1

Sin pomuḷoi in imang moḷoben piniḻí nongkon sigad in umat, binaḻídon simpaḷ i Allah saḷaku toḻiu monia. Oaidan imang tatua in mobogoi in sosumba kon i Allah bo mobogoi in kuruban mita sin potobut kon taḷá mita in intau.

PINOGIAPAN 18:5

Tongá iko, Harun, bo adímu mita in musti mopobayá in oaidan kon bonu in Yuang Motusi bo mezbah, sinbá diádon in Akuoi tumorú bui kon bangusa Israel.

PINOGIAPAN 16:40

Tua in nobaḻí tompoingat kon bangusa Israel kon koḻikud in buí i Harun, diábí in tobatúmai in intau motaau mamangoi kon mezbah i Tuhan sin motubá kon dupa posumba kon i Tuhan. Intau inta ḻimimpat kon atorang tatua in yopúonbí ná ki Korah bo dumoduduinea mita. Bayongan tua inaidan pinodudui kon ná inta pinarenta i Tuhan kon i Eleazar pinongin i Musa.

IBRANI 11:4

Popisí in oyúon in pirisaya, dá ki Habel in noposumba kon i Allah in kuruban inta mopia-pia nongkon onu inta pinosumba i Kain. Popisí doman in pirisayanea tatua, dá ki Habel in sinarima i Allah saḷaku intau inta mopia, bo tua in noniatadon kon sosumbanea in sinarima i Allah. Bo popisí in pirisayanea, dá sia in nosingogpabí umpaka minatoidon.

IBRANI 7:27

Sia in diábí notongkai in imang mita moḷoben ibanea inta pomuḷoi in singgai musti moposumba in kuruban sin potobut kon bayongan taḷánea tontaní. Mopaḷut mako kon tua sia in moposumba doman in kuruban potobut kon dosa mita in umat. Ki Yesus in tongábí komintan noposumba in kuruban bo awak-Neabí tontaní in pinosumba-Nea saḷaku kuruban.

IBRANI 8:3

Pomuḷoi in imang moḷoben sinantú bidon kon musti moposumba in kuruban andeka mobogoi in sosumba kon i Allah. Natua doman in Imang Moḷoben naton, musti oyúon doman in ogoi-Nea posumba.

IBRANI 9:9

Naa nobaḻí lambang kon sempo in tanaa; mangaḻenea kon sosumba mita bo kuruban mita mahaḷuk inta pinosumba kon i Allah, diábí mokosompurna kon gina intau inta nodia kon sosumba.

IBRANI 10:11

Pomuḷoi in singgai imang intau Yahudi umuran mogaid kon oaidan monia saḷaku imang bo umuran doman mopobui-buimai in moposumba in kuruban mita ná inta biasamai pinosumba monia. Táe totuubí kon kuruban mita tatua in diábí mokopopat kon dosa.