IBRANI 7:8 - Alkitab Singog In Mongondow Masa In Tanaa

⁸ Imang mita inta motarimamai kon mopuḷú noporsen nongkon onu inta nouḻí in umat, mosia tua in intaubí doman inta mato-matoi. Táe podudui in onu inta pinais kon Buk Motusi, ki Melkisedek inta notarimadon kon mopuḷú noporsen ná silai imang tua in intaubí inta umuran nobiag.

IBRANI 7:8 Referans Kwoze

IBRANI 6:20

Ain binontangan i Yesus in daḷan bayáan naton tatua, Sia in sinumuotdon kon tua bo nobaḻí Imang naton Imang Moḷoben inta diádon mato-matoi ná ki Imang Melkisedek.

IBRANI 5:6

Kon tontagá ibanea ki Allah in nosingog doman nanaa, “Iko nion in Imang inta mononoi, ná ki Imang Melkisedek.”

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

IBRANI 7:23

Tobatú soaḷ inta moponting: Imang mita ibanea in mobayongbí sin mosia tua in mato-matoipabí sahingga in diádon motaau mogingguput kon oaidan monia.

YOHANES 14:19

Diádon moonggot bo diádon ontongon in dunia naa in Akuoi. Táe moiko in mokoontongbí kon i-Nakó. Bo lantaran in Akuoi nobiag, dá moiko in mobiagbí doman.

IBRANI 3:16

Ki ine in intau mita inta nokodongog kon singog i Allah bo nomarontak kon i-Nia? Mosia tuata in intau mita inta dinia i Musa iḷumuai nongkon butá in Mesir?

YOHANES 14:6

Ki Yesus in notubag, “Akuoibí naa in daḷan kon monotaau kon i Allah bo mokouḻí kon kobiagan. Diábí in tobatúmai intau in mokoyaput kon i Amá, aka diá mongin i-Nakó.

IBRANI 9:27

Bo sinantú domandon i Allah, kon intau in tongábí komintan matoi, onda intua adilondon i Allah.

IBRANI 7:7

Totuu kon diábí motaau bayowan, kon intaubí inta binarakatan in moompá-ompá nongkon intau inta nomarakat kon inia.

IBRANI 7:9

Dá motaaubí singogon kon ki Lewi inta buínea mita mogamá domanmai kon mopuḷú noporsen nongkon onu inta nouḻí in intau Israel moguboḻibí doman kon silai tatua pongin i Abraham, wakutu in ki Abraham nobogoi intua kon i Melkisedek.