IBRANI 6:15 - Alkitab Singog In Mongondow Masa In Tanaa

¹⁵ Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.

IBRANI 6:15 Referans Kwoze

IBRANI 6:12

Donaai mokopomaḷat, táe duduiaidon aid in intau mita inta ain notarima kon onu inta pinodandi i Allah, sin mosia in umuran nopirisaya kon i Allah bo nosabar doman mako in nogoḷat.

IḶUAIAN 1:7

Táe buí monia, inta intau mita Israel, in nononggadí bo nononggompu mobarong totok, bo motoyong totok in kinododugang monia, dá butá in Mesir notoimpaḷotdon kon i monia.

KINOBAḺIAN 12:4

Ki Abram in umur pitu nopuḷú boḻima notaong kon tungkuḷ in sia nonaḷámai kon Haran, sin dinumudui kon parenta i Tuhan kon inia. Ki Abram nobuat bo nopobayá in butá in Kanaan noyotakin i Sarai ki Buḷoinea, bo ki Lot pokuadíonnea, takin bayongan in kapunyaannea bo bobantungnea mita inta nouḻí monia kon Haran. Naonda in mosia nodapot kon Kanaan.

IBRANI 9:15

Tuamai ki Kristus in nobaḻí tonsigad kon tobatú dodandian inta nobagu, sinbá intau inta inoinídon i Allah in motarimadon kon barakat mita mononoi inta ain pinodandi i Allah. Tua komintan in mobaḻíbí sin oyúon in minatoi; Siata in ki Kristus. Kinopatoian-Nea tatua in nopobebasbí kon intau mita nongkon taḷá mita inta pinomia monia wakutu in dodandian inta muna pinaképa.