IBRANI 4:4 - Alkitab Singog In Mongondow Masa In Tanaa

⁴ Sin soaḷ singgai impitunea naa ain pinais kon Buk Motusi nanaa: “Kon singgai impitunea ki Allah nogogai in nogaid kon bayongan oaidan-Nea.”

IBRANI 4:4 Referans Kwoze

IḶUAIAN 20:11

Onom nosinggai, Akuoi, ki Tuhan, nomaḻí kon butá, ḷangit, dagat bo bayongan inta kon bonunea, táe kon singgai inta nogimpitu Akuoi in nogogai. Tuamai Akuoi, ki Tuhan, momarakat kon singgai in Sabat bo baḻíon-Ku singgai-Ku intua.

IḶUAIAN 31:17

Singgai tatua in ponanoban tobatú inta motantú kon sigad in bangusa Israel bo kon i-Nakó, sin Akuoi, Tuhan, nomaḻídon kon ḷangit bo butá onom nosinggai koonggotnea, bo kon singgai noginpitu nogogaidon in Akuoi nogaid bo poḷat nomarakat.”

IBRANI 2:6

Sedang bo kon Buk Motusi oyúon in pinais nanaa, “O Tuhan, onubí intau tua, sahingga in umuran-Mu toropon in sia? Intau in tongábí doman komangoi intau biasa, táe umuran-Mu tarukiraan mako in sia!

ULANGAN 5:14

táe singgai noginpitu tua in singgai pogogaian inta tondíondon kon i-Nakó, ki Tuhan Allahmu. Kon singgai tatua diábí motaau in tobatúmai intau in mogaid, pinomayá moiko, adímu mita, bobantungmu mita, bobiagonmu ande intau ango-angoi inta nogutun kon butámu. Bobantungmu mita in musti mogogai ná doman moiko.

IBRANI 4:10

Intau inta ain sinumuot kon tampat pogogogaian i Allah, yo sia in mogogai bidon kon bayongan in oaidannea, ná doman ki Allah inta nogogaidon kon bayongan in oaidan-Nea.