IBRANI 3:14 - Alkitab Singog In Mongondow Masa In Tanaa

¹⁴ Kita naa in komintanbí yobayat topogaidan i Kristus asaḷ bo tantú kumadai kon onu mita inta pinirisayadon naton nongkon pinomangkoianmai modapot kon kopaḷutan in dunia naa.

IBRANI 3:14 Referans Kwoze

IBRANI 3:6

Táe ki Kristus in mosatiabí saḷaku Adí inta motanggung jawab kon Baḷoi Allah. Bo kitabí naa in Baḷoi Allah aka umuran moḷoben in ibog naton kumadai bo moyakin in mokouḻí kon onu inta harapon mako naton.

IBRANI 6:11

Ibogon nami bá moiko komintan in umuran morigon in gina bo totu-totuu mopirisaya kon wakutu in mobiagpa, sahingga in moiko motarima kon onu inta i harap mako monimu tua.

PETRUS 1 4:13

Mokoposanangbí kon gina sin moiko in nokorasadon kon ná inta ain kinorasaan i Kristus. Dá aka kamuliaan i Kristus popoontongdon, yo totokbí in mopia in gina monimu.

IBRANI 12:10

Aka guyanga naton kon dunia naa in motundú yo noterbatasbí sin tongábí onu inta inanggap monia mopira. Táe aka ki Allah in motundú yo tua in kopiaanbí naton tontaní. Sinbá kita in mokouḻí doman kon silai inta mopia nongkon i-Nia.

IBRANI 6:4

Sin mosia inta nokoimontandon in sinimbayagan in ginanea, inta nokoimontan in nokorasa kon totabi i Allah bo nokoimontan domandon in nokouḻí kon silai kon bonu in Roho Mokudus,

EPESUS 3:6

Naabí inta noibuni tatua: Pinongin Habar Mopia tatua, intau deeman Yahudi in moitakin domandon mokorasa kon barakat mita i Allah inta koḻipod tongá sinadia kon intau mita in Yahudi. Intau mita inta deeman Yahudi in nobaḻídon toawakan in awak inta tobatú tua, bo moitakin doman motarima kon onu inta pinodandi i Allah pinongin i Kristus Yesus.

IBRANI 3:1

Utat mita tumpaḷa Keresten inta ain inoiní i Allah! Raika monimu koako-ako in soaḷ ki Yesus naa! Sia ain pinotabá mangoi i Allah sinbá mobaḻí Imang Moḷoben kon agama inta dinuduian naton.

SURAT I PAULUS KON JAMAAT RUM 11:17

Tosilai in tanga mita in kayu Zaitun – tuata intau mita in Yahudi – ain pinongkó. Bo kon paḷot in pinomongkóan tatua pinopokompitdon in tanga in pangkoi zaitun ḷoḷog, tuata in ki utat mita inta deeman Yahudi. Ki utat pinopokompitdon kon tua sinbá ki utat in mokorasa kon bayongan inta mopia nongkon kobobiag in rohani in intau mita Yahudi.

KORINTUS 1 10:17

Sin tongábí tobatú in roti, bo kita komintan ain nokaan kon roti tatua. Dá umpaka nobayong in kita, táe tongábí tongoawakan monag.

YOHANES 1 1:3

Onu inta ain inontong bo dinongog nami, tuabí doman in potaau nami kon i monimu, sinbá moiko in motobatú domandon nami bo motobatú domandon i Amá bo i Kristus ki Adí-Nea.

KORINTUS 1 1:30

Sin lantaranbí ki Allah, dá notobatúdon in moiko i Kristus. Bo lantaran doman kita nopirisayadon kon i Kristus dá kita in nonotaaudon kon bayongan in yagi-yagi. Siabí doman tua in nopoyotutui, nomiḻí bo notobut kon bayongan oaid naton inta diá mopia.

PETRUS 1 5:1

Naa in tongginaku mita kon itoi mita in jamaat i Allah inta kon sigad monimu. Akuoi in nomais tanaa saḷakubí yobayat topogaidan in itoi mita in jamaat bo saḷaku intau inta ain nokoontong tontaní kon roriga i Kristus, bo inta moitakin doman kon kamuliaan inta popoontong i Kristus kon intau kon singgai moiduduimai. Poigumonku totok

KORINTUS 1 9:23

Tongábí bá moiyaput in Habar Mopia nongkon i Allah kon bayongan intau, dá inaidanku intua komintan, sinbá moitakin doman mokouḻí kon barakat in akuoi.

ULANGAN 1:35

‘Diá tobatúmai in intau mita inta nobiag tanaa in tumuot kon butá mopia inta pinodandi-Ku kon mogoguyangmu.

SURAT I PAULUS KON JAMAAT RUM 11:22

Dá kon naa in kinoontongandon naton in koḷoḷoben in tabi i Allah bo kototogat doman in gina-Nea. Diábí irekeng-Neamai mopoḷabú in hukuman kon i monia inta binaradosa, táe Sia in totok doman mopia kon i utat, asaḷ bo ki utat in umuran mobiag nongkon kopopia-Nea. Aka diá yo iko in ḷumbúon-Neabí doman.

IBRANI 11:1

Mopirisaya naa mangaḻenea in totok moyakin kon onu inta iharap mako naton, mangaḻenea oyúon in kotantúan kon soaḷ mita inta diá inontong.