IBRANI 13:12 - Alkitab Singog In Mongondow Masa In Tanaa

¹² Manangka intua ki Yesus in minatoi doman kon ḷuai in ngara moḷoben in kotá sin mondarit kon umat-Nea nongkon bayongan in dosa. Dugú-Neabí tontaní in pinodugú-Nea.

IBRANI 13:12 Referans Kwoze

KORINTUS 1 6:11

Koḻipod oyúon in kon sigad monimu in umuran mogaid kon natua mita. Táe tanaa in poniatadon kon nodaritdon in moiko nongkon bayongan oaid inta diá mopia. Moiko in nobaḻídon umat i Allah inta piniḻí-Nea. Moiko buidon noyobayat i Allah, sin nopirisayadon kon i Tuhan Yesus Kristus bo popisí kawasa doman in Roho inta nongkon i Allah naton.

OUMAN IN RASUL MITA 7:58

Pinoḷuai monia in sia kon kotá tatua bo inandur in batu. Intau mita inta nokoontong kon inta nobaḻí tatua noḷongkut kon ḷambung bo pinoki kadai monia kon tobatú tayowmobiag inta ki Saulus in tangoinea sin moduḷu doman mogandur.

EPESUS 5:26

Inaidan i Kristus intua sinbá motaau-Nea daritan in jamaat tatua takin totundú-Nea bo takin tubig inta pobaptis, sinbá motaaudon posarakan-Nea kon i Allah.

PINOGIAPAN 15:36

Dá bayongan umat modia kon inia poḷuai in ḷoḷaigan bo mogandur in batu kon inia dapot in matoi, ná inta pinarenta i Tuhan.

IMAMAT 24:23

Naonda in nopaḷut mako in ki Musa nopotaau in tosingogon tatua kon bangusa Israel, mosia nodia kon intau inta nogodi-godimai kon i Allah tatua pinoḷuai kon ḷoḷaigan bodongka inarab in batu dapot in minatoi. Tua in pinomia in intau Israel podudui in parenta i Tuhan kon i Musa.

IBRANI 10:29

Táe umpaka natua, hukumanbí kon intau inta moritak kon i Adí i Allah in moboga-bogat, bo kon i monia doman inta nonganggap nohina in dugú dodandian i Allah, dugú inta pinodoyon kon kinopatoian i Kristus sin nondarit kon inia nongkon dosanea mita. Sia in nohojat doman kon Roho inta mobogoi in totabi.

YOHANES 17:19

Popisí in kopontingan monia, Akuoi in noposarakandon in awak-Ku saḷaku kapunyaan i Amá sinbá mosia in tongá doman mobaḻí kapunyaan-Ku pongin inta nobanar nongkon i Amá.

YOSUA 7:24

Onda intua ki Yosua bo bayongan umat in Israel nodomokdon kon i Akhan, bo dinia pinobayá in Ḷopá in Roriga pinoyotakin i adínea mita, sapinea, keledai, domba, ḷoḷaigan, bo bayongan in kapunyaannea takin saḷaka, jubah bo buḷawan inta sinakownea.

IBRANI 2:11

Ki Yesus in nondarit kon bayongan in dosa intau; siabí tontaní in nondarit. Mosia inta dinaritandon tua in nogaḷumdon kon Amá inta totobatú. Tuamai in ki Yesus diá mooyá in mongaku kon i monia saḷaku ki utat-Nea mita.

YOHANES 19:34

Táe sian i Yesus sinakuḷ in tobatú tontara in ginubat; dá iḷumuaidon in dugú bo tubig.

LUKAS 4:29

Mosia in sinimindog bo noguntun kon i Yesus pinoḷuai kon in kotá tatua, bo dinia monia in Sia kon bingkí in irang kon tudu in buḷud tatua sin tomayáan monia tuḷudon kon irang tatua in Sia.

IBRANI 10:10

Inaidandon i Yesus Kristus in onu inta kinoibog i Allah. Pinosumba-Neadon in awak-Nea tontaní saḷaku kuruban. Sia in noposumba in awak-Nea tatua tongábí komintan modapot in kopaḷutan dunia naa, táe onu in inaidan-Nea tatua, nondaritbí kon i naton nongkon bayongan in dosa.

WAHYU 14:20

Bungai in anggur mita tatua in giniḻing kon ḷuai in kotá bo iḷumuaidon in dugú nongkon giḻingan tatua, moiḻig naonda bo ongkag. 300 km in koyayú in kinoiḻigannea, bo koḻinownea in gogió bodoyowá nometer.