IBRANI 12:22 - Alkitab Singog In Mongondow Masa In Tanaa

²² Tongá aka moiko namangoidon in Buḷud Sion bo kotá i Allah inta nobiag, tuata in Yerusalem inta kon soroga takin ribuan malaekat-Nea.

IBRANI 12:22 Referans Kwoze

PILIPI 3:20

Táe kita in mobaḻíbí umat in soroga. Nongkon tua doman Datu Mopoposaḷamat naton, ki Tuhan Yesus Kristus in mamangoi. Sia tuata inta tantú oḷaton mako naton.

GALATIA 4:26

Táe Yerusalem inta kon soroga tuata in Yerusalem inta nobebas, bo siabí tua in ki iná naton.

WAHYU 14:1

Noidudui kon tua inontongku in ki Adí in Domba sinimindog kon tudu in Buḷud Sion. Kotaki-takinnea oyúon in 144.000 intau inta kon pogot monia ain pinaisan in tangoi-Nea bo tangoi i Amá-Nea.

MAZMUR 48:2

Totuubí moḷantud in ki Tuhan bo totok in dinayow kon kotá i Allah naton, kon tombuḷud inta motusi.

WAHYU 21:2

Dá akuoi in nokoontong kon kotá motusi tatua, tuata in Yerusalem inta mobagu, noponag nongkon soroga i Allah. Kotá tatua in pinosadia naonda bo nonikaan bobay inta pinakeangan sin mokipodungkuḷdon kon nonikaan ḷoḷaki.

YESAYA 51:11

Dá intau mita inta pinoḷuat i Tuhan in mobuidon mosia in tumuot kon Yerusalem takin rogiow pogot monia in motarimbuka popisí in ḷunganga inta mononoi. Mosia in mobarasanang bo morogiow, kinopatoian bo amui noinggamádon.

WAHYU 22:19

Bo aka oyúon in intau in monggaat kon tobatúmai in tosingogon inta pinoyaput tanaa, dá gaatan doman i Allah in tonsilainea inta ná ain pinais kon bonu in buk tanaa, silainea inta nongkon pangkoi in kayu inta mobogoi in kobiagan bo nongkon kotá motusi tatua.

WAHYU 3:12

Intau inta nountung, baḻíon-Ku saḷaku oigi kon bonu in Baḷoi Motusi i Allah-Ku, bo sia in umuran bidon mogutun kon tampat tatua. Tangoi i Allah-Ku, bo tangoi in kotá i Allah-Ku, tuata in Yerusalem mobagu inta moponag nongkon soroga, nongkon i Allah-Ku – tua in paison-Ku kon intau tatua. Ná doman tua, tangoi-Ku inta mobagu in paison-Ku doman kon intau tatua.

IBRANI 13:14

Sin kon dunia naa diábí in tampat pogutunan mononoi kon i naton, kita in mayábí motayak kon tampat pogutunan kon singgai moiduduimai.

IBRANI 11:10

Ki Abraham in mogoḷat mako kon kotá inta sinomayá i Allah posindogon kon pondasi inta moroton.

YOËL 2:32

Táe ki ine in mokituḷung kon i Tuhan, in posaḷamatonbí. Ki Tuhan in noguman, “Kon Yerusalem intau mita inta piniḻí-Ku in mosaḷamatbí.”

HOSEA 1:10

Bangusa in Israel in mobaḻíbí ná kobayong in bungaion kon dagat, nodapot in diá koukuran andeka diá koiyapan. Tanaa in ki Allah in noguman kon i monia, “Moiko in deemanbí Umat-Ku,” táe moiangoibí in wakutunea Sia in moguman kon i monia, “Akuoibí in ki Allah inta nobiag bo moiko in ki adí-Ku mita!”

DANIEL 7:10

bo tuḷú ḷumekep nongkon pomomarentaan tatua. Ribuan in intau nogundoi kon i-Nia bo jutaan in intau sinimindog kon tayowon-nea. Onda intua pinangkoidon in sidang pongadilan, bo buk mita in binukádon.

YESAYA 60:14

Adí mita in intau mita inta nondorot kon inimu in mamangoibí tumungkud, inta nokoimontandon noningkuḻe kon inimu in mohoromatbí, iko in tangoionbí ‘Kotá in Tuhan’, ‘Sion, Kotá i Allah Mokudus in Israel’.

YESAYA 59:20

Ki Tuhan in noguman kon umat-Nea, “Akuoi in mamangoibí in Yerusalem sin moposaḷamat kon i monimu komintan inta nogogaidon in nogaid kon dosamu mita.

YESAYA 28:16

Tuamai, ki Tuhan Inta Totok in moḷantud noguman nanaa, “Akuoi in mogukat kon dodoyonan inta moropot bo motorindog kon Sion; batu orotan tobatú inta moḷoben in mangaḻenea inta pinaisan: ‘Ki ine in morigon in pirisayanea, diábí umundok popisí in taḷowon.’

YESAYA 12:6

Ponggoḷokapdon ei intau mita in Sion, podondongdon takin sanang in gina. Ki Allah mokudus in israel totuu kon momulia, Sia in nogutun kon yua-yuak monimu.”

DATU MITA 2 19:4

Ki Datu in Asyur in nopotabádon in porwiranea moḷantud tobatú sin mopoompámai kon i Allah inta nobiag. Dika-dika bo kinodongogandon i Tuhan Allahmu in singog nopoompámai tatua, bo mohukumdon kon i monia inta nosingog tatua! Tuamai in posambayangdon kon i Allah sin kobiagan in intau mita naton inta nobiagpa.”

WAHYU 21:10

Dá Roho i Allah in nongawasa kon inakó, bo malaekat tatua in nodia kon inakó minayá kon tudu in buḷud inta moḷantud totok. Bo sinundúnea kon inakó in Yerusalem, kotá inta mokudus tatua, kotá inta noponag nongkon soroga inta nongkon i Allah,

WAHYU 7:2

Bo akuoi in nokoontong kon tobatú malaekat ibanea inta noitukat nongkon dotá in pomukaan singgai. Sia in nodia kon meterai nongkon i Allah inta nobiag. Noropot in pinogogoinínea kon malaekat opat inta ain nokouḻí kon kawasa nongkon i Allah sin pomoguyaat kon butá bo dagat.

YUDAS 1:14

Ki Henokh, buí impitunea nongkon i Adam, tungkuḷ intua nokoimontan doman in nopotaau in koyow i Allah soaḷ intau mita tatua. Ki Henokh in noguman nanaa, “Indoiai, ki Tuhan in mamangoi takin ribuan malaekat-Nea mita inta mokudus

DANIEL 6:26

Nopaḷut mako kon tua ki Datu Darius nokidia in surat kon intau mita nongkon bayongan in bangusa, inanakan bo bahasa kon sinangkub in dunia, “Salam kobiagan motompia!

YEREMIA 10:10

Táe Iko, Tuhan, Allah inta mobanar, Ki Allah in mobobogoi in kobiagan, datu mononoi. Aka Iko tumorú, modandú in dunia, aka Iko rumogi yo bangusa mita in diábí mokotongod. (

YESAYA 51:16

Akuoibí inta nosongká kon ḷangit bo nopoukat in dodoyonan mita in butá. Akuoi in moguman kon Sion: Ikobí nion in umat-Ku; Akuoi in mobogoi in totundú-Ku kon inimu bo mogoḻiung kon inimu pongin kawasa-Ku.”

MAZMUR 87:3

Indongogaidon, ei kotá i Allah, soaḷ mita inta momulia siningog-Nea soaḷ iko:

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

MAZMUR 2:6

Kai-Nia, “Kon Sion buḷud-Ku inta motusi aindon dinuí-Ku datu inta piniḻí-Ku.”

YOSUA 3:10

Aka moiko mayádon monubu, yo notantú bidon kon untunonbí i Tuhan in intau in Kanaan, Het, Hewi, Peris, Girgasi, Amori bo Yebus. Bo kon dodai in Poti Dodandian i Tuhan inta nomaḻí kon dunia naa ḷumoḷandon kon Yordan umuna kon i monimu, yo ontongondon monimu kon ki Allah inta nobiag in kon yua-yuakdon monimu.

ULANGAN 33:2

“Ki Tuhan namangoi nongkon Buḷud in Sinai; Sia nomuká kon tudu in Edom naonda bo mata in singgai bo nongkon Buḷud in Paran sia nonimbayag kon umat-Nea. Sia sinakinan in mopuḷú noribu in malaekat; tuḷú nodokot kon dotá in koḷanan-Nea.

ULANGAN 5:26

Kon dodaidon in onda in intau umuran nobiag naonda in nokodongog kon i Allah inta nobiag nosingog nongkon tuḷú?

IBRANI 10:31

Totokdon mokoondok aka kon bonudon in kawasa i Allah inta nobiag!

IBRANI 9:14

Dá aka dugú bo ḷobud mokodarit kon onu inta nokotor kon intau mita tatua, yo bambíkabí dugú i Kristus! Pinongin Roho inta diá mato-matoi, ki Kristus ain noposumba in awak-Nea tontaní kon i Allah saḷaku kuruban inta nosompurna. Tuabí in nondarit kon gina naton nongkon upacara mita inta diá in baragunanea, sinbá kita umuran mosumba kon i Allah inta nobiag.

IBRANI 3:12

Utatku mita, mokopoingat sinbá diá in tobatúmai kon sigad monimu in gina moraat bo diádon mopirisaya, sahingga in tumoḻikud bo mokopoyayúdon kon i Allah inta nobiag!

TESALONIKA 1 1:9

Bayongan intau in mongonguman kon naonda pinototomu monimu kon inami wakutu in namangoi kon i monimu. Inouman doman monia kon moiko in nonaḷámaidon kon onu inta pinomia monimu berhala inta sumbáan domanmai. Moiko nopirisayadon kon i Allah inta mobanar bo tongádon Sia in sinumba monimu.

SURAT I PAULUS KON JAMAAT RUM 11:26

Sahingga in bayongan intau in Yahudi posaḷamatonbí sin kon bonu in Buk Motusi ain pinais nanaa, “Datu Mopoposaḷamat in mamangoi nongkon Sion; Sia in momopatbí kon bayongan aid moraat kon buí i Yakub.

SURAT I PAULUS KON JAMAAT RUM 9:26

Bo kon tampat inta pinonangoian kon intau, ‘Moiko in deeman umat-Ku,’ kon tampat tatuata intau mita in tangoiondon ki adí mita i Allah inta nobiag.”

MATIUS 5:35

andeka mongibot bo popodoyon kon butá sin butá naa in baya-bayáan-Nea mako; andeka mongibot popodoyon kon Yerusalem, sin Yerusalem tua in kotá i Datu Moḷoben.

YESAYA 14:32

Onu in potubag naton kon totabá mita inta namangoi nongkon bangusa in Pilistin? Kita in mopotaau kon i monia kon ki Tuhan ain noposindog in Sion, bo umat-Nea inta nororiga in ḷukadanbí kon tua.

MAZMUR 68:17

Nongonu sin nongkon tudumu inta mobayong nion iko in mobobuibí takin intoi kon Buḷud in Sion inta piniḻí i Allah pogutunan-Nea? Ki Tuhan in mogutunbí kon tua modapot in mononoi.

MATIUS 16:16

Dá ki Simon Petrus in notubag, “Iko in ki Mesias, ki Adí i Allah Inta Nobiag.”

MAZMUR 42:2

Naonda bo rusa monanob kon tubig in ongkag, natuata in dimukudku monanob kon ini-Mu, o Allah.

YESAYA 24:23

Buḷan in simindip bo mata in singgai in diá bidon monindar, sin ki Tuhan Inta Totok in mokawasa in momarentabí mobaḻí datu. Sia in momarentabí kon Yerusalem, kon tudu in Buḷud in Sion, bo mopoontong in koagung-Nea kon itoi mita in umat-Nea.

YESAYA 27:13

Kon dodai intua posingogonbí in torompet moḷoben sin mogoiní bui kon bayongan intau in Israel inta iḷumbú kon Asyur bo kon Mesir. Mosia in mamangoibí in Yerusalem sin mosumba kon i Tuhan kon buḷud-Nea inta motusi.

YEREMIA 17:25

Aka moiko totu-totuu mopobayá in parenta-Ku mita tatua, dá datu mita bo pojabat mita inta nomarenta ná ki Daud in tumuotbí kon bonawang mita in kotá in Yerusalem. Mosia moyotakin in intau in Yohuda bo intau in Yerusalem, in tumakoibí kon roda inugut in kabaḷo, dá kotá in Yerusalem moramedon totok.

EPESUS 2:19

Dá tuamai, moiko in deeman bidon intau mokokiangoi andeka intau ḷuai. Táe moiko in tumpaḷa bidon umat i Allah. Moiko nion in nobaḻí bidon tombonu in motoḷuadí i Allah,

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

IBRANI 11:16

Táe noniata magí inta kinotanoban monia tua in tobatúbí butá inta totok mopia, tuata in butá inta kon soroga. Manangka intua diábí mooyá in ki Allah tangoion ki Allah monia, sin pinosadiaan bidon i Allah in mosia kon tobatú kotá.