IBRANI 11:27 - Alkitab Singog In Mongondow Masa In Tanaa

²⁷ Popisí in mopirisaya doman, dá ki Musa in nonaḷámaidon kon Mesir diábí in ondoknea kon torú i datu. Sia in umuran nogaḷow kon tujuannea naonda bo inontongneadon in ki Allah inta diá koontongan tua.

IBRANI 11:27 Referans Kwoze

IBRANI 11:13

Bayongan in intau tatua in umuran nopirisaya umaai in minatoi. Mosia in diábí notarima kon onu inta pinodandi i Allah, táe tongá nokoontong bo notamad nongkon noyayú. Aid monia tua in noponiata kon mosia tua in tongábí intau mokokiangoi inta tongá doman noiandupmai kon dunia naa.

KORINTUS 2 4:18

Kami in diábí monarukiramai kon onu inta koontongan. Sin inta koontongan tua in diábí mononoi, táe aka inta diá koontongan yo tuabí in mononoi.

IBRANI 11:1

Mopirisaya naa mangaḻenea in totok moyakin kon onu inta iharap mako naton, mangaḻenea oyúon in kotantúan kon soaḷ mita inta diá inontong.

YAKOBUS 5:11

Mosia in sinangoi nosanang sin notaba. Dinongogdon monimu in soaḷ kososabar i Ayub, bo kinotaauan monimu kon pangabisannea binarakatan i Tuhan in sia. Sin tabi i Tuhan in totok moḷoben bo Sia in mopia in gina.

IḶUAIAN 11:8

Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

IḶUAIAN 4:19

Kon tungkuḷ in ki Musa kon butápa in Midian, ki Tuhan noguman kon inia, “Pobuidon kon Mesir. Bayongan intau inta moibog moḻimod kon inimu minatoidon komintan.”

PETRUS 1 1:8

Bo umpakabí moiko in diápa dodai onda nokoontong kon inia, táe moiko in motabibí bo umuran mopirisaya kon i-Nia. Manangka intua moḷungangabí totok in gina monimu, ḷunganga in gina inta diábí in poporupaan.

IBRANI 10:32

Toropka in kaadaan monimu koḻipod. Kon wakutu in moiko notarima kon bayag inta pinonindar i Allah, moiko in tantú nokorasa kon yoyiga, táe umuran nobakuat totok in moiko.

TIMOTIUS 1 1:17

Ki Allahbí tua in Datu inta nongkon pinomangkoianmai modapot in kopaḷutan in dunia naa, inta patus horomaton bo dayowon sin tongábí Sia in Allah inta mononoi, inta diá koontongan bo inta totobatú! Amin.

KORINTUS 1 13:7

Monahangbí in sia in tumayow kon bayongan rupa-rupa bo mopirisaya kon bayongan inta mopia; sia in tantú oyúon in harapan bo monahang doman in mogoḷat bo motanggung kon bayongan rupa-rupa inta mobaḻí.

MATIUS 10:22

Moiko in saturuon in bayongan intau sin moiko in murí-Ku. Táe ki ine in mokotahang modapot in kopaḷutannea, sia tua in mosaḷamat.

IḶUAIAN 12:11

Kon oras in moiko mongaan musti koyongandon nopaḷut nonoḻisí sin mayá, mogi aip in sioḷ bo kokada-kadai in tungkud. Pokoḷamemet in moiko mongaan. Tuata in porayaan Paska sin mohoromat kon i-Nakó, ki Tuhan.

IBRANI 6:15

Nosabar in ki Abraham in nogoḷat kon dandi tatua, sahingga nouḻínea in onu inta pinodandi tatua i Allah.

TIMOTIUS 1 6:16

Tongábí Sia in diá kokawasaan in popatoi bo inta nobiag kon sindar inta diá motaau diugan i inekabí. Diábí in tobatúmai intau mokoontong kon i-Nia, bo totuubí kon diábí ontongon intau in Sia. Tongábí Sia in patus horomaton sin kawasa-Nea in noiḻiu kon bayongan kawasa kon dunia naa modapot in kopaḷutan dunia naa! Amin.

OUMAN IN RASUL MITA 2:25

Sin Sia ain bidon pinotaau muna i Daud, nanaa, ‘Akuoi in nokoontong kon i Tuhan umuran kon munaku; Sia in umuran moḷukad mako kon inakó, sinbá akuoi in diá kotuyayowan in rupa-rupa.

MARKUS 13:13

Moiko in kodoí in bayongan intau sin dumodudui-Ku. Táe mosia inta mokotahang dapot in pangabisan in posaḷamatonbí.”

MARKUS 4:17

Táe habar tatua diá nonguakat kon bonu in gina monia, sahingga in diá noonggot in pinonahangannea. Naonda i mosia noyogintayow in roriga ande pomogutúan popisí in habar tatua, baḷú in mosia nonaḷámai kon onu inta ain pinirisaya monia.

MATIUS 24:13

Tongá intau inta monahang modapot in kopaḷutan tua komintan mosia in mosaḷamat.

MAZMUR 16:8

Akuoi in umuranbí mokotorop kon i Tuhan; Sia in oyúonbí kon diugku, dá diá in akuoi modandú.

IḶUAIAN 12:50

Bayongan intau Israel motoindudui bo nogaid kon bayongan inta pinarenta i Tuhan kon i Musa bo kon i Harun.

KOLOSE 1:15

Ki Kristus tua in gambar inta noniata nongkon awak i Allah inta diá koontongan; Sia in ki Adí i Allah inta guya-guyang, bo inta totok in moponting nongkon bayongan inta pinomia.