IBRANI 1:11 - Alkitab Singog In Mongondow Masa In Tanaa

¹¹ Tua mita diábí in mononoi, bo mokoyonganbí naonda bo pakeang; táe Iko in diábí mobaḷui.

IBRANI 1:11 Referans Kwoze

YESAYA 51:6

Ḷangagaidon in ḷangit bo indoiai in butá; ḷangit in moinggamábí naonda bo poyok bo butá in mokoyonganbí naonda bo ḷambung noketek, bayongan in intau kon bonunea in matoi naonda bo yongit. Táe kasaḷamatan inta ogoi-Ku in umuranbí mononoi, bo kountungan-Ku in diábí in imbuitnea.

MARKUS 13:31

Ḷangit bo butá in moinggamábí, táe singog-Ku in mononoibí.”

YESAYA 34:4

Mata in singgai, buḷan bo tundi mita in morimumudbí. Ḷangit in ḻitodon naonda bo karatas. Tundi mita in moḷabúbí naonda bo daun mita inta mototak nongkon pangkoinea.

WAHYU 21:1

Bo akuoi in nokoontong kon ḷangit mobagu bo butá mobagu. Ḷangit bo butá inta muna in diádon, takin dagat in noinggamá domandon.

LUKAS 21:33

Ḷangit bo butá in diábí mononoi, táe singog-Ku in mononoibí.”

MATIUS 24:35

Ḷangit bo butá in moyoyangbí, táe singog-Ku naa in mononoibí.”

IBRANI 12:27

Tosingogon “komintanpa doman” mogumanbí kon bayongan in dunia inta ain pinomia naa in dandúon bo ḷumbúon, sinbá dongkadon inta diá modandú in kotaḷáan.

YESAYA 65:17

Ki Tuhan in noguman, “Akuoi in momiabí kon ḷangit inta mobagu bo butá inta mobagu. Onu inta nobaḻí mita koḻipod in koḻionganbí bo diá bidon toropon bui.

MAZMUR 90:2

Kon dodai in buḷud mita diápa binaḻí, kon dodai in butá bo dunia naa diápa pinomia-Mu, Ikobí in ki Allah inta mononoi, diábí in pinomangkoian bo diábí in imbuitnea.

MAZMUR 10:16

Ki Tuhan in momarenta modapot in mononoi; bangusa mita inta diá nonotaau kon i-Nia in moinggamábí nongkon butá-Nea.

WAHYU 20:11

Nopaḷut mako kon tua, akuoi in nokoontong kon tobatú tampat pomomarentaan inta nobudó bo inta noḷoben bo Sia in iḻimitú kon tua. Ḷangit bo butá noinggamá nongkon tayowon-Nea, sahingga in diádon bui koontongan.

WAHYU 2:8

“Paisdon kon malaekat inta kon Smirna, nanaa: Nanaa in koyow nongkon i-Nia inta muna-munamai bo inta pangabisan – inta ain minatoi bo inta nobiag bui.

WAHYU 1:11

Singog tatua in noguman, “Paisdon onu inontongmu, bo atodon in buk tatua kon pitu nojamaat: Jamaat mita kon Epesus, kon Smirna, kon Pergamus, kon Tiatira, kon Sardis, kon Piladelpia bo kon Laodikia.”

YESAYA 50:9

Totuu, ki Tuhan Inta Totok in moḷantud in moduḷu kon inakó, ki ine in mokobaḻí moguman kon akuoi in kotaḷá? Komintan intau inta moponapud kon inakó in moyopúbí naonda bo yumbit in ketek kinaan in anoi.

YESAYA 41:4

Ki ine in nogaid kon tua mita? Ki ine in nonantú kon daḷan in bayongan inta nobaḻí? Akuoi, ki Tuhan, Akuoi in inta muna-munamai, bo inta umuran oyúon modapot in imbuitnea.

MAZMUR 29:10

Ki Tuhan in nongawasa kon ḷunud moḷoben, Sia in nongawasa saḷaku Datu modapot in mononoi.

YESAYA 51:8

Mosia in moyopúbí bo mobuḻi naonda bo pakeang kinaan in anoi bo kaeng bubuḷ in domba kinaan in sisik. Táe kasaḷamatan inta inogoi-Ku in mononoibí, kountungan-Ku in umuranbí oyúon modapot in adí bo ompu.”

YESAYA 44:6

Naa in guman i Tuhan Inta Totok in Mokawasa, Datu bo moḷoḷukad in Israel, “Akuoi in Allah inta tongá totobatú, Inta muna-munamai bo inta imbuitnea totok.

MAZMUR 102:26

dungkuḷmai Iko in nomaḻí kon butá; ḷangit in Iko doman kitogi mia.

IBRANI 8:13

Naonda in pinomiadon in dodandian nobagu tua, dá binaḻídon i Allah nokoyongan bo noitontumi in dodandian inta muna; bo onu inta noonggot tua in ḷagidon moyoyang.