HOSEA 9:14 - Alkitab Singog In Mongondow Masa In Tanaa

¹⁴ Onu degá in musti igumonku kon ini-Mu kon intau mita tatua? Baḻídon in bobay mita monia mobantó! Baḻídon in mosia diá mokopoteté kon i adí monia!

HOSEA 9:14 Referans Kwoze

LUKAS 23:29

Sin moiangoibí in wakutunea intau in mosingog nanaa, ‘Totuu kon mopia totok in bobay mita inta diá dodai onda in nononggadí bo inta diá doman dodai onda in nopoteté!’

KORINTUS 1 7:26

Moindoimai kon kaadaan masai naa, yo maníka ki ine in diápa pinobuḷoi yo tantúpa natua.

LUKAS 21:23

Mokoondok in singgai mita tatua aka kon bobay inta sidia bo inta kogadípa kon mointok! Kotá tanaa in koantugan in roriga moḷoben bo hukumon i Tuhan.

MARKUS 13:17

Mokoondok totok in singgai tatua kon i monia inta sidia bo inta koyogotpa in mopoteté in adí!

MATIUS 24:19

Moboditodon guyanga mita bobay inta sidia andeka inta koyogotpa in nopoteté in adí kon dodai intua!

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

HOSEA 9:13

Tuhan, inontongku in ki adí mita monia in dinuduran bo iḻimod.

HOSEA 9:11

Tangoi moḷoben in Israel in ḷumayugbí moibuni naonda bo ḷagapan; diá bidon in monogusian, bo diábí in adí mita in pononggadí.

AYUB 21:10

Bobiagon monia modugang mobayong, bo diábí mororiga in mononggadí.

IḶUAIAN 23:26

Kon butá monimu diábí kouḻían kon bobay inta koukaian andeka bantó. Moiko in ogoian-Kudon in kobiagan moumur.

ULANGAN 28:18

Kinutuk in moiko, dá tongádon topiḻik in adímu, bungai in boyómu, takin sapi bo bembé dombamu.