HOSEA 8:7 - Alkitab Singog In Mongondow Masa In Tanaa

⁷ Umat-Ku in noponimboi in tompot dá mosia in mokoyutbí kon deḷang! Gobá in gandum monia in diábí dumarag, dá diábí mobogoi in topong kaanon. Táe aka gobá tatua bo dumarag doman, dá gandumnea in gamáanbí komintan in bangusa mita ibanea.

HOSEA 8:7 Referans Kwoze

AMSAL 22:8

Intau inta moponimboi in tombogá in mokoyutbí kon bodito; imbuitnea kawasanea mogaid kon onu in koibognea in moinggamádon.

AYUB 4:8

Kinotaauanku sin noindoi magí-mako kon intau inta mogaid kon inta diá mopia, bo moponimboi in bibit in bodito naonda bo batoḷ in pinomuḷa, yo mokoyutbí kon bodito bo roriga!

GALATIA 6:7

Dika moibog uboḷan. Sin ki Allah in diábí motaau in pogogitogan! Sin onu in pomuḷaan intau yo tuabí doman in sipuonnea.

NAHUM 1:3

Totuu kon ki Tuhan, in diábí ḷagi tumorú; táe Sia in totokbí doman in mokawasa dá ki ine in mogaid kon moitaḷá diábí poḷuaton-Nea kon hukuman. Kon onda in bayáan i Tuhan, kon tua in momuká in deḷang; kon pinomuntukan in sioḷ-Nea, kon tua in ḷobud mobaḻí goḷom.

HOSEA 7:9

Mosia in diábí nonotaau kon popisíbí in yopakat takin bangusa mita tatuata, dá noinggamádon in ropot monia. Imbuit in ouman monia in nodiugdon, táe diábí kinotaauan monia.

HOSEA 2:9

Tuamai, kon wakutu pobatunan kon boyó bui-Kubí gamáan in onu inta inogoi-Ku, inta gandum bo anggur, bo wol bo kaeng in linen inta inogoi-Ku kon inia sin pomiaan ḷambungnea.

YEREMIA 12:13

Umat-Ku in momuḷa kon gandum, táe dugidon in sinipú. Mosia in rumoriga in mogaid táe diá in bungai in siniḷopíannea. Akuoi in sinumorú totok dá bungai in boyó monia diá nopia.”

YESAYA 66:15

Totuu, ki Tuhan in mamangoibí takin tuḷú; Sia in tumakoibí kon kereta-Nea ná deḷang, sin mopobayá in torú-Nea, bo mongguak moropot.

YESAYA 17:11

Táe umpaka pinomuḷa tatua bayá-bayá monokat bo monobur kon singgai pinomuḷaanmu tua, táe diábí in bungainea. Inta oyúon in tongábí roriga bo porasaan monakit inta diábí moingga-inggamá.

MOHOHUTUBA 5:16

Kon dodai in mobiagpa, kita in mongokap kon sindip, mosusa in kita, moḻia-ḻiaw, moyaat bo monampot in gina.

DATU MITA 2 15:29

Kon tungkuḷ in pinomarentaan i Pekah, ki Tiglat-Pileser Datu in Asyur nogagow kon kotá in Iyon, Abel-Bet-Maakha, Yanoah, Kedes, Hazor, butá in Gilead, Galilea bo Naptali. Intau mita inta nogutun kon tua in dinianea doman nobaḻí intau mita inta dinakop bo dinia kon Asyur.

DATU MITA 2 15:19

Naonda in ki Pul datu in Asyur nonubu kon Israel, ki Menahem nobogoi kon inia in 34.000 nokilo in saḷaka sinbá sia in motuḷung moginrigon kon kawasa i Menahem kon Israel.

ULANGAN 28:33

Bangusa ango-angoi in mogamádon kon bayongan bungai in boyómu inta nouḻí monimu takin iyumoyiga in nogaid, táe moiko tontaní in diábí mokouḻí kon onu bo onu koḻikudbí in umuran tonggataan bo popoaidan monia in aid moraat.

GALATIA 6:8

Aka ki ine in nomuḷa pinodoyon kon tabiat in intau, yo kopatoian in mouḻínea. Táe aka sia bo nomuḷa pinodoyon kon koibog in Roho i Allah, yo kobiagan mononoi in mouḻínea nongkon Roho i Allah.

YESAYA 55:2

Onubí in mangaḻenea in motaḷui kon onuka inta diá mokoguḻí kon ibog, bo mogaid kon onu inta diá mokobotug? Duduiaidon in parenta-Ku dá moiko in mokaanbí kon inta mopia, bo mokaan kon kaanon inta mopia in nanamnea.

OMBAḶ 5:2

Kapunyaan budel nami in noiḷabú kon ḻima in intau ibanea, baḷoi mita nami in inutunan in intau ango-angoi.

HOSEA 9:16

Intau in Israel in hukumon-Kubí. Mosia in mobaḻíbí naonda bo pinomuḷa inta diá nomungai, bo inta uakatnea mita ain noingkag. Mosia in diábí mokouḻí kon adí; táe umpaka mosia kogadí, yo ḻimodon-Kubí in adí mita inta kinotabi monia tua.”

HAGAI 1:6

Moiko in noponimboidon in nobarong in bibit, táe bungai in boyómu tongá topiḻik. Oyúon in kaanon monimu, táe diá mokobotug kon sianmu. Oyúon in anggur kon i monimu, táe diá mokoorop kon ginamu. Oyúon in ḷambung monimu, táe diá mokoinggamá kon tumpingmu. Bo tondan in pinogaidan in mogogaid in diá tugat pakéon kon kobiagan monia moiduduimai.

KINOBAḺIAN 41:23

Bo nobiag domandon in batoḷ in gandum pitu inta nongo kepa bo noḷaot domandon sin iruponmai in tompot in pomukaan.