HOSEA 7:4 - Alkitab Singog In Mongondow Masa In Tanaa

⁴ Mosia komintan momomaḻidawan bo intau inta diá motoindudui. Yaat in gina monia in naonda bo tuḷú kon bonu in doḷuong inta diá kinokaban i mogogaid kon roti kon tungkuḷ in kukis diápa noisadia tubáan.

HOSEA 7:4 Referans Kwoze

YEREMIA 9:2

Aka kuma bo kon padang gurun bo kouḻíanku kon tampat pogogaian in intau inta kon binayáan! Dá taḷaankubí in bangusaku, bo moḷagui mayá intua sin yumayú kon i monia. Mosia in momomaḻidaw komintan pinosipunan in intau inta diá mosatia,

YAKOBUS 4:4

Moiko nion in intau inta diá mosatia! Diá kinotaauan monimu degá kon aka moiko moyobayat in dunia naa, yo moiko in mobaḻí saturu i Allah! Dá ki ine in moibog mobaḻí yobayat in dunia naa, yo mangaḻenea kon tua, baḻíonnea in sia saturu i Allah.

HOSEA 4:12

Moiko in mopoigum in topotundú kon kayu topongkó! Tungkud tobatú in mopotaau kon inimu kon onu inta koibogmu kotaauan! Moiko in notongkai in buḷoi bobay tobatú inta nobaḻí sundaḷ; moiko in nonaḷámai kon i-Nakó bo nobogoi in awakmu kon ilah mita ibanea.

HOSEA 4:2

Mosia in mongibot, táe diábí totuuon monia; mosia in monguboḷ, moḻimod, monakow bo monuaḻing. Aid moraat modugang, bo poḻimodan in moyo-moyodudui.

KORINTUS 1 5:6

Moiko in diábí motaau in dumodia. Dinongogdon monimu degá in singog nanaa, “Ragi topiḻik mokokutad kon bayongan topong aidan kukis!”

YEREMIA 23:10

Butá naton nopuḻing in intau inta diá mosatia kon i Tuhan. Mosia in nobiag moraat bo noitaḷá in nopomaké in kawasa monia. Popisí in kutukan i Tuhan, bonok kon rawang noingkag bo sinangkub in butá nonogumatoi.

HOSEA 4:10

Moiko in mokaanbí kon kuruban mita inta pinosumba, táe moiko in umuranbí gogoyon. Moiko in mosumbabí kon dewa mita inta kai monimu in mopoḷumbá, táe intaumu in diábí modugang, sin moiko in nonaḷámaidon kon i-Nakó sin mosumba kon ilah mita ibanea.”

YEREMIA 9:1

Totuu mopia aka uḷuku bo naonda bo parigí inta nopuḻing in tubig, bo mataku in pansurang inta umuran mopotampurang in tubig! Dá akuoi in mokopongombaḷdon singgai bo doḷom, mogamui kon intau mita tongobangusaku inta iḻimod in musung.