HOSEA 3:2 - Alkitab Singog In Mongondow Masa In Tanaa

² Dá uboḻian-Ku in doit saḷaka mopuḷú bo ḻima bo mogatut bo ḻima nopuḷú nokilo in gandum sinbá mokouḻí kon bobay tatua.

HOSEA 3:2 Referans Kwoze

YEHEZKIEL 45:11

Tongo epa in pogukuran kon inta noingkag tua in mustibí motongkai in bonunea in tongo bat inta pogukuran kon inta notontubig. Patokannea in musti tongo homer. Dá ukuran mita tatua in mustibí nanaa: Tongo homer notongkai in mopuḷú no epa notongkai in mopuḷú no bat.

IMAMAT 27:16

Aka intau tobatú moposumba in butánea toḷosi kon i Tuhan, yo boḻinea musti tantúon podudui in bibit inta pakéon pomunak kon butá tatua. Aka doyowa nopuḷú nokilo in gandum yo boḻinea in doit saḷaka mopuḷú.

KINOBAḺIAN 34:12

Pogumandon mongo tombuinag onu in kinoibog monimu, bo tantúdon in kobayong in buḷawan ogoi inta mobaḻí bobogoi kon tonibuḷoinea. Akuoi in mobogoibí in onukadon poigumon monimu, asaḷ bo ogoi monimu in akuoi motonibuḷoi takin adí bobay tatua.”

YESAYA 5:10

Bungai in pinomuḷa diá mopia, gobá in anggur inta koḷobennea mopuḷú nohitare tongá kouḻían kon mopuḷú noliter in tubig in anggur. Mogatut noliter in bibitnea tongá kinouḻían kon mopuḷú noliter in gandum.”

SAMUEL 1 18:25

bo ki Saul in nopotabá kon i monia noguman kon i Daud, nanaa, “Inta kinoibog i Tuang inta baḻíon buḷawan tontogot in tonibuḷoi in tongábí mogatut in kuḻit ponoitan kon intau in Pilistin, saḷaku tontuḻí kon musung i Tuang.” (Naa in nobaḻí tomayá i Saul sin moḻimod kon i Daud pongin ḻima in intau in Pilistin.)

IḶUAIAN 22:17

Táe aka ki amánea diá mobogoi kon ḷoḷaki tatua motonibuḷoi takin i adínea, yo ḷoḷaki tatua mustibí moguboḻi kon i amá in bobay tatua inta kobayongnea podudui in oadatan aka mongodeagapa inta diápa dodai onda in pinobuḷoi.

KINOBAḺIAN 31:41

Ná domai tua in rorigaku tungkuḷ in akuoi nogaid kon inimu doyowa nopuḷú notaong koonggotnea. Mopuḷú bo opat notaong koonggotnea akuoi nogaid kon inimu sinbá motaau mobuḷoi kon i adímu doyowa tatua – bo onompa doman notaong bui sinbá mokouḻí kon paanan bembé bo domba tatua. Bo solama intua iko ain kopuḷú nomaḷui kon tondan in pinogaidanku.

RUT 4:10

Koḻikud intua gamáanku domandon in ki Rut, bobay in Moab, ki baḷú i Mahlon tua mobaḻí ki buḷoiku. Sinbá butá tatua in umuran mobaḻí kapunyaan in motoḷuadí in intau inta ain minatoi tua. Bo buínea in umuran doman kon yua-yuak in ginaḷumnea bo kon kotánea. Toropdon Utat mita, singgai in naa moiko komintan in nobaḻí sakusinea.”

HOSEA 3:3

Akuoi in noguman kon inia kon moonggotbí in pogoḷatannea kon inakó. Kon tungkuḷ in sia mogoḷat mako diábí in sia motaau sumundaḷ andeka mokituaḻing, bo akuoi in diábí doman mosiug takinnea.