HOSEA 12:8 - Alkitab Singog In Mongondow Masa In Tanaa

⁸ Ki Tuhan in noguman kon bangusa in Israel, “Moiko in motombogá naonda bo intau in Kanaan; mododagangmu mita moibog monguboḷ kon mototaḷuinea pongin simbangan inta diá moitutui.

HOSEA 12:8 Referans Kwoze

WAHYU 3:17

Moiko in mosingog: ‘Kami in nobiag nooyúon bo bayongan in yagi-yagi komintandon oyúon; diádon in nogaat kon i nami.’ Táe diábí kinotaauan monimu kon moiko nion in nobiagbí nomalarat totok, bo totok doman in mokoajar kon gina in kaadaan monimu nion! Moiko nion in nomasiking, diá koḷambu-ḷambung, bo bilog.

MAZMUR 62:10

Intau in tongábí gabut in poginaan, moḷoben mointok tumpaḷa diá koboḻi. Aka simbangon, noniata magí nogaanbí in mosia, mogaa-gaanbí kon tompot poginaan.

TIMOTIUS 1 6:5

bo umuran moyogenggeng. Raian in intau mita natua ain nobangkung bo diádon motaau pirisayaanmai. Inanggap monia in agama naa in motaaubí potayakan kon kauntungan tontaní.

ZAKHARIA 11:5

Mototaḷuinea mita noḻimod kon domba mita tatua táe diábí ihukum. Mosia inta nopotaḷui in tapú in domba mita tatua in noguman, ‘Dinayo-dayowdon in ki Tuhan! Tanaa in nodugangdon nooyúon in kita!’ Gombala mita tatua in diábí in tabi kon domba mita inta biniag monia.

AMSAL 30:20

Naa in akaḷ in bobay tobatú inta diá mosatia kon i buḷoinea: Mopaḷut mako monuaḻing, mongaan in sia bodongka radatannea in bibignea, bo moguman, “Diábí in akuoi nogaid kon onu bo onu!”

AMSAL 30:12

Oyúon in intau in tumangoi motusi in sia bokaka totokbí in moromú in sia.

MAZMUR 52:7

Táe iko in yompatonbí i Allah modapot in mononoi; iko in dinomok bo pogarab nongkon baḷoimu, bo inggamáandon nongkon dunia in intau nobiag.

MAZMUR 49:6

Akuoi in diábí moondok kon tungkuḷ in singgai diá mopia, tungkuḷ in akuoi kinopung in musung inta moraat.

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.

TIMOTIUS 1 6:17

Ponoropdon kon intau mita inta nobiag nooyúon, bá mosia in diá dumodia bo diá mopodoyon in kobiagan monia kon barang mita inta modai-daitbí, ná kaoyúonan in dunia naa. Mosia in mustibí mopodoyon in kobiagan monia kon i Allah inta ain nobogoi in bayongan yagi-yagi kon i naton inta diádon koiapan in kobayongnea, inta pakéonmai naton muḷoi in singgai.

LUKAS 16:15

Dá siningog i Yesus in mosia, “Moiko in ontongon ná intau mongobanar, táe kinotaauanbí i Allah in kon bonu in gina monimu. Sin onu inta kinoibog in intau, tuata inta kinodoí i Allah.

LUKAS 16:13

Simpaḷ tobatú in diábí motaau in monontuang kon doyowa. Sin aka natua, tobatú in saturuonnea yo tobatú in kotabinea. Andeka tongábí tobatú in duduiannea, yo tobatú in diábí indongogannea. Natua doman in moiko. Aka moiko bo mopirisayadon kon i Allah yo donaai bidon moibog mokidongog kon onu inta indunia naa.”

LUKAS 12:19

Onda intua pogumanku kon awakku tontaní; Nomujur totok in iko! Bayongan inta mopira komintan oyúon kon inimu bo kon taongannea intua mita diápabí modai-dait. Tuamai in pogogaidon in tanaa! Pongaan bo ponginumdon pakédon in kobiaganmu nion!’

LUKAS 10:29

Táe mototundú kon agama tatua doí taḷowon, dá sia in noḻibó bui kon i Yesus, “Ki inebí inta sinangoi tumpaḷa intau?”

MALEAKHI 3:13

Ki Tuhan in noguman, “Tosingogonmu mita in totuubí kon mopoompámai kon i-Nakó.” “Táe moiko in moguman, ‘Onu degá in siningog nami kon ini-Mu?’

HABAKUK 1:16

Onda intua ḷaḷa tatua in sinumba monia bo inogoian monia in sosumba kuruban, sin pinongin ḷaḷa tatua mosia in nokouḻídon kon rijiki nobayong totok bo nobaḻídon notomomon.

YEREMIA 2:23

Totuu mokobaḻí in iko in mosingog kon iko in diá moromú, bo Baal in diábí kon dodai in onda in dinuduianmu! Indoiai in dodiamu kon ḷopá, torop in aidmu moraat bo akudon! Iko in naonda bo unta kobaayan inta iḷanúan in ibog, moribatuk mamagí mamako diádon koḷamboian,

YEREMIA 2:35

moiko in moguman doman kon moiko in diá kotaḷá, bo Akuoi in diá bidon sinumorú kon inimu. Táe Akuoi ki Tuhan, in mohukumbí kon i monimu popisí in moiko in doí mongaku kon moiko in kotaḷá.

MALEAKHI 2:17

Binaḻí monimu in ki Allah mobú in mokodongog kon oumanmu. Táe moiko in moḻibó, “Yo naondabí in pinopobú nami in ki Tuhan?” Takin tosingogon, “Bayongan in intau inta nogaid kon inta moraat in inanggap mopia i Tuhan, bo kinoibog-Nea in mosia.” Andeka moḻibó, “Kon onda in ki Allah inta inanggap moadil tatua?”

YEHEZKIEL 28:5

Totuu, mopandoi in iko modagang bo tanaa in nooyúondon totok, bo kaoyúonanmu tua in nokoḷoḷatú kon inimu!’ ”

HOSEA 4:8

Moiko in mobaḻí mooyúon popisí in dosa in umat-Ku, tuamai in ibogon monimu sinbá mosia in umuran mogaid kon dosa.

HOSEA 13:6

Táe naonda in moiko kon bonudon in butá mopia, poḷat nobotug nodapotdon in moiko noorop, nobaḻídon in moiko moḷoḷatú bo iḻiongdon monimu in Akuoi.

HOSEA 14:1

Samaria in mustibí hukumon popisí in nomarontak nonayow kon i-Nakó. Rayatnea in matoi kon poparangan; adí mita mointok monia in ḻintogon, bo bobay mita sidia in botakon in siannea.”

AMSAL 11:1

Ki Tuhan in doíbí kon intau inta mopomaké in simbangan inta motombogá táe mopia in gina-Nea kon intau inta mopomaké in pononimbangan inta moitutui.

YEREMIA 5:27

Naonda bo moḷoḷutam kon ḷagapan in mobonu kon ḷagapan kon kobangnea, natua doman in mosia momonu kon baḷoi monia in pakakat mita inta nouḻí monia pinodoyon kon uboḷ. Natuata mosia in nobaḻí nongawasa bo nooyúon

AMOS 8:5

Moiko in noguman kon i monimu tontaní, “Totuubí moonggot in singgai mita moḷoben. Kita in moibogdon ḷagi mopotaḷui in gandum naton, táe poramean tatua in diápabí doman mopaḷu-paḷut. Toonubí degá in singgai in Sabat mopaḷut, sinbá kita in motaaudon bui modagang? Kita in moibogdon totok in mongupit kon epa, monguboḷ kon pogogukuran, bo monombogá kon simbangan.