HOSEA 12:11 - Alkitab Singog In Mongondow Masa In Tanaa

¹¹ Akuoi in nosingogdon kon nabi mita, bo nobogoidon in nobayong in oontongon kon i monia. Pinongin i monia Akuoi nopotaau in tomayá-Ku mita kon i monimu, umat-Ku,

HOSEA 12:11 Referans Kwoze

HOSEA 8:11

Kobayong-kobayong in mezbah posindogon in intau in Israel sin pomopat kon dosa, yo kodugang-kodugang domandon in tampat monia pogaidan kon dosa!

HOSEA 6:8

Gilead in kotá inta nopuḻing in intau moraat bo moḷoḻimod.

HOSEA 4:15

Ei moiko intau in Israel, moiko in diá motoindudui kon i-Nakó! Táe, harapon-Ku mako Yohuda in diá mogaid kon taḷá ná inta inaidan monimu! Dika moibada kon Gilgal andeka kon Betel. Dika mongibot kon tua podoyon kon tangoi i Tuhan inta nobiag.

HOSEA 9:15

Ki Tuhan in noguman, “Bayongan in aid moraat monia pinangkoi kon Gilgal. Kon tuata nomangkoidon noyaat in gina-Ku kon i monia. Popisí in aid monia inta moraat, poguntunon-Kubí in mosia nongkon butá-Ku tanaa. Akuoi in diábí motabi bui kon i monia; bayongan in itoi monia ain noḷawang kon i-Nakó.

HOSEA 10:1

Israel in naonda bo pangkoi in anggur inta nomungai nodatog. Kodugang-kodugang in kaoyúonannea, kobayong-kobayong domandon in mezbah pomiaannea. Kotomoman-kotomoman in kobobiagnea, kogaga-kogaga doman in pomiaannea in tugu mita in berhala inta sinumbanea.

YUNUS 2:8

Mososumba mita kon berhala inta diá in baragunanea, in nonaḷámaidon kon ini-Mu bo diádon notoḷutui.

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

AMOS 4:4

Ki Tuhan Inta Totok in Moḷantud in noguman, “Ei umat in Israel! Bayádon kon pooibadaan kon Betel, bo pogaidon kon dosa kon tua! Bayádon in Gilgal, bo pogaidon kon dosa kinoibog in ginamu! Kumudungdon in moposumba in kuruban pomuḷoi in doḷo-doḷom, bo modia kon mopuḷú noporosen nongkon bayongan inta nouḻímu pomuḷoi in toḷu nosinggai!

YEREMIA 10:15

Berhala mita tatua diá koboḻi, patusbí in singkuḻeon bo poompáanmai. Aka moiangoi in wakutunea mosia in moyopúbí.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YEREMIA 2:28

Kon onda in berhalamu mita inta pinomia monimu tua? Aka oyúon in roriga, yo kuanidon in mosia moposaḷamat kon i monimu, aka mokoposaḷamat in mosia! Ei Yohuda, dewamu mita in ná kobayong in kotámu mita!

YEREMIA 2:20

Ki Tuhan in noguman, “Ain noonggot iko in doí mogundoi kon i-Nakó; doí dumudui andeka mosumba kon i-Nakó. Kon bayongan tudu in buḷud inta moḷantud, bo kon siungon in bayongan in pangkoi in kayu inta mobambar iko in mosumba kon dewa mita mopoḷumbá.

DATU MITA IMITÁNEA 17:1

Oyúon in nabi tangoinea in ki Elia. Sia in nongkon Tisbe, kotá tobatú kon butá in Gilead. Kon singgai tobatú namangoi in sia kon i Datu Ahab bo noguman, “Pinodoyon kon i Tuhan inta nobiag, Allah inta sinumba in intau in Israel bo inta pinogundoianku, akuoi in mopotaau in naa kon i Tuang, kon bonu in doyowa andeka toḷu notaong moiduduimai naa in diábí in oḷú andeka uyan tongopiḻikmai, koḻikudbí in aka pogumankudon.”

HOSEA 10:2

Intau mita inta ginanea motombogá tatua, tanaa in musti mobaba kon bungai in dosanea. Ki Allah in morimumudbí kon mezbah monia, bo mogumpag kon tugu mita in berhala monia.

PINOGIAPAN 12:6

bo ki Tuhan noguman, “Indongogai in tosingogon-Ku naa! Aka kon sigad monimu bo oyúon in tobatú nabi, yo Akuoi in mokipogontong kon inia kon bonu in oontongon mita, bo mongonguman takinnea kon bonu in togoindop.

DATU MITA 2 17:13

Ki Tuhan in nopotabá in totabá mita bo nabi-Nea mita namangoi kon umat in Israel bo Yohuda sin mopotaau in tompoingat tanaa: “Pogogaidon in mogaid kon inta moraat bo duduiaidon in bayongan in parenta bo hukum inta inogoi-Ku kon mogoguyangmu bo kon inimu pinongin nabi mita, mogogundoi-Ku mita tatua.”

YEHEZKIEL 17:2

“Ei intau ilo-ilow, oumandon kon intau mita in Israel in poumpamaan,