HAKIM MITA 9:6 - Alkitab Singog In Mongondow Masa In Tanaa

⁶ Dá noyosipundon in bayongan intau in Sikhem bo Bet-Milo, bo minayá in pangkoi in kayu terpentin inta mokaramat kon Sikhem. Kon tua binaḻídon monia in ki Abimelek datu monia.

HAKIM MITA 9:6 Referans Kwoze

DATU MITA IMITÁNEA 12:25

Naonda in nobaḻí datu in Israel, ki Yerobeam noginropotdon kon kotá in Sikhem kon butá in buḷud in Epraim, bo nogutun kon tua notoyong. Onda intua minayá bui in sia nongkon tua bo noginropot kon kotá in Pnuel.

DATU MITA IMITÁNEA 12:20

Kon dodai in bayongan rayat nokodongog kon ki Yerobeam in nobuidon nongkon Mesir, inoiní monia in sia kon pinoyodungkuḷan tobatú bo dinuí monia in sia nobaḻí datu in Israel. Tongábí rayat in suku Yohuda in umuran nosatia kon buí i Daud.

DATU MITA IMITÁNEA 12:1

Ki Rehabeam minayá in Sikhem, sin bayongan rayat in Israel dotá in utuan in noyosipundon kon tua sin moduí kon inia mobaḻí datu.

YOSUA 24:26

Bayongan in hukum bo atorang mita tatua pinaisnea kon bonu in buk Hukum i Allah. Onda intua sia nogamá kon batu moḷoben tobatú, bo pinosindognea kon ḻimonag in kayu moḷoben kon tampat inta ain sinantú kon i Tuhan.

HAKIM MITA 9:5

bo minayá in ḻipú i amánea inta kon Opra. Kon tua iḻimodneadon in ki utatnea mita inta pitu nopuḷú tua kon tudu in batu tobatú. Táe ki Yotam adí ai-ai totok i Gideon in diá noitakin kinoḻimodan sin nogadop in sia.

HAKIM MITA 9:7

Naonda in dinongog i Yotam in soaḷ tatua, sia minayá sinimindog kon tudu in Buḷud Gerizim, bo nomaḷú kon intau mita tatua, “Indongogai in akuoi, ei intau mita in Sikhem, sinbá indongogan domandon i Allah in moiko!