HAKIM MITA 9:18 - Alkitab Singog In Mongondow Masa In Tanaa

¹⁸ Táe tanaa moiko in nomarontakdon kon motoḷuadí i amáku. Ki adínea mita ain iḻimod monimu komintan – pitu nopuḷú in intau pinoyododai kon tudu in batu tobatú. Ki Abimelek nion in ki adí i amáku nongkon i atanea. Táe binaḻídon monimu in sia datu kon Sikhem, tongá popisí in sia oyúonpa in uput in kompong monimu.

HAKIM MITA 9:18 Referans Kwoze

MAZMUR 109:4

Mosia in moponapud kon inakó, umpakabí akuoi motabi kon i monia, bo ain sinambayanganku in mosia.

HAKIM MITA 9:14

Tuamai in nogumandon in bayongan pangkoi kon bo bonganga, ‘Ikodon in mobaḻí datu nami.’

HAKIM MITA 8:35

Diá domandon sinuḻían monia kon motoḷuadí i Gideon in bayongan inta mopia inta ain pinomia i Gideon kon umat in Israel.

HAKIM MITA 9:2

“Tungkuḷaika ḻibó kon bayongan in intau in Sikhem, onda in mopia-pia: Parentaan i adí i Gideon inta pitu nopuḷú, andeka tongá intau tobatú? Ponoropdon kon i monia kon akuoi naa in oyúonpabí in uput in kompong nongkon i monia tua.”

HAKIM MITA 9:17

inta ain irumopot totok sin kopontingan monimu? Pokotorop, sia ain nopotaru in nyawanea sin mopoḷuat kon i monimu nongkon kawasa in intau mita in Midian.

HAKIM MITA 9:19

Aka oaid monimu singgai in naa kon i amáku bo kon motoḷuadínea notuḻid bo nobayag, dá pobarasanangdon takin i Abimelek, bo biódon mako in sia mobarasanang doman takin i monimu.