HAKIM MITA 9:15 - Alkitab Singog In Mongondow Masa In Tanaa

¹⁵ Bonganga tatua notubag, ‘Aka totu-totuubí in moiko moibog mopobaḻí kon inakó datumu, dá koḻigaidon kon siungonku. Aka doí in moiko, dá nongkon tangaku mita inta dodugian naa ḷumuaidon in tuḷú inta momokak kon bayongan pangkoi in aras kon Libanon.’ ”

HAKIM MITA 9:15 Referans Kwoze

YESAYA 30:2

Mosia minayá in Mesir takin diá nopoigum in kinotantúan in tosingogon-Ku. Mosia in nokioḻiung kon Mesir bo moharap mako kon totuḷung in datu in Mesir.

HOSEA 14:7

Mosia in mobiagbí bo modugang naonda bo pinomuḷa inta monokat magí-mako, naonda bo pangkoi in zaitun in kogaganea mobondu naonda bo pangkoi in ḷokuyú!

YESAYA 2:13

Pangkoi mita in ḷokuyú inta moḷantud kon Libanon bo bayongan in pangkoi in kayu moḷoben kon Basan in tokoyompaton.

HAKIM MITA 9:20

Tongá aka diá natua, dá igumon mako in nongkon i Abimelek ḷumuaidon in tuḷú inta momokak modait kon bayongan in intau inta nogutun kon Sikhem bo Bet-Milo. Bo igumon doman mako nongkon intau mita inta nogutun kon Bet-Milo in ḷumuai domandon in tuḷú inta momokak doman modait kon i Abimelek.”

DANIEL 4:12

Daunnea mita in nongoḷunow bo bungainea in modatog totok, tugatbí kaanon in bayongan inta nogutun kon dunia naa. Mahaḷuk mita ḻindong in nosiug mako kon siungonnea bo ḷagapan mita in nonompugad kon tanganea mita. Bo bayongan in mahaḷuk motaaubí mokaan kon bungainea mita.

YEHEZKIEL 19:14

Pangkoi in anggur tua iḻeḻep in tuḷú; tanga bo bungainea nodait kinaan in tuḷú. Diádon in ropot in tanganea nointok; diádon motaau pomiaan tungkud in dodatuan. Tuata in oamui inta bui-buionmai in umat podondong.

YESAYA 37:24

Iko in nopotabá mangoi in totabá sin mosingog kon uboḷ kon podoyon kon kobayong in kereta in parangmu, iko in nokopotungkudon kon buḷud mita inta totok in moḷantud kon Libanon. Iko in dumodia kon iko in nomupuḷdon kon pangkoi mita in ḷokuyúnea inta totok in moḷantud bo inta totok in mogaga, bo irumudak doman kon kayuonnea mita inta totok in moromon.

MAZMUR 104:16

Pangkoi mita in kayu i Tuhan in nokouḻí kon uyan mobayong pangkoi in ḷokuyú in Libanon inta pinomuḷa-Nea tontaní.

DATU MITA 2 14:9

Táe ki Datu Yoas in nokidia in tontubag nanaa, “Komintanmai yo bo bonganga kon Buḷud in Libanon in mokidiabí in habar nanaa kon pangkoi in ḷokuyú, ‘Ei pangkoi in ḷokuyú, ogoidon in ki adímu mongodeaga kon i adíku sin baḻíon ki buḷoinea.’ Táe onda intua noitaḻibdon kon tua in biag in kayuon inta noritak kon bo bonganga tatua.

PINOGIAPAN 21:28

Nokoimontandon nobaḻí nongkon kotá tanaa tontara in Sihon nonubu naonda bo tuḷú. Inta nokorimumud kon kotá in Ar kon Moab, bo nongawasa kon buḷud mita inta kinoouput in Arnon.

MATIUS 13:32

Totuu kon batoḷ tatua in totok in mointok nongkon bayongan batoḷ. Táe aka sia in mobiagdon, sesawi tatua in moḷobe-ḷoben nongkon kuyat mita ibanea. Sia in sinimimpangkoi sahingga in ḷagapan mita in mamangoi bo monompugad kon tanganea mita.”

YEHEZKIEL 31:3

Iko in naonda bo ḷokuyú in Libanon inta mogaga nopuḻing in tanga inta nobambar bo mogaga. Pangkoinea in notuḻid bo noḷantud ḷuntungnea in nodapot in goḷom.

YESAYA 1:31

Naonda bo wawa nopokak tongá popisí in rosik in ḻigatu, natua doman in intau mita nongawasa in yopúon in oaid mita moraat monia tontaní, bo diábí in motaau mongampai kon korimumudan tatua.

HAKIM MITA 9:49

Dá mosia tumpaḷadon nomongkó kon tanga mita in kayu, bo minayá dinumudui kon i Abimelek. Bayongan tanga in kayu tatua sinipun monia kon bibig in bubú in kuil tatua, bodongka sinurub, bo kon dodai intua intau mita in Sikhem kon bonupa in bubú tatua. Tuamai in minatoidon in bayongan intau mita in Sikhem tatua, degá toribumai in intau ḷoḷaki bo bobay.

HAKIM MITA 9:14

Tuamai in nogumandon in bayongan pangkoi kon bo bonganga, ‘Ikodon in mobaḻí datu nami.’

HAKIM MITA 9:16

“Yo,” guman i Yotam noiduduimai, “Degá naonda in nopobaḻí mako datu kon i Abimelek, yo mosatia bo mobayag in gina monimu in mogaid? Degá totuudon in pinogogaid monimu nion kon i Gideon, ki amáku, bo inanakan motoḷuadínea? Sinuḻiandon degá monimu in onu inta ain inaidan i amáku

MAZMUR 29:5

Singog i Tuhan nokoumpag kon pangkoi mita in kayu, nomutoḷ kon tanga in ḷokuyú in Libanon.

HAKIM MITA 9:44

Bo dodai intua ki Abimelek takin tontaranea mita iḻimikatdon minayá nonubu kon ngara in kotá, tontaranea inta doyowa nopaanan ibanea in nondudur bo poḷat noḻimod kon intau mita inta noḷagui minayá in gobá mita.

OMBAḶ 4:20

Mosia in nodomok kon datu inta piniḻí i Tuhan, intau inta pinongata nami saḷaku mobobogoi in kobiagan, bo moḷukad kon inami nongkon ḷawang.