HAKIM MITA 8:2 - Alkitab Singog In Mongondow Masa In Tanaa

² Táe ki Gideon in notubag, “Onu in pinomiaku diábí totok in moḷoben in mangaḻenea aka poyobandingonmai in onu inta ain pinomia monimu. Umpaka inta pinomia monimu tua tongá topiḻik, táe inta topiḻikbí tua in moḷobe-ḷoben in mangaḻenea nongkon bayongan inta ain inaidan in tontara nongkon inanakanku.

HAKIM MITA 8:2 Referans Kwoze

HAKIM MITA 6:34

Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.

IMAMAT 19:9

Aka moiko mobatundon kon boyó, dikadon ratabon monimu in gandum inta nobiag kon bingkí mita in gobámu, bo dikadon mobui mayá mopuyut kon gandum inta kinotaḷáan kon dodai in pinorataban.

HAKIM MITA 8:1

Intau in Epraim noguman kon i Gideon, “Nongonu sin kami in diábí inanutan kon tungkuḷ in iko nobuat sin mayá monubu kon intau in Midian? Nongonu sin pinomiamubí natua in kami?” Natuata in unsingog monia kon i Gideon.

HAKIM MITA 8:3

Moikobí nion in nokouḻí kon kawasa nongkon i Allah dá nokoḻimod kon i Oreb bo kon i Zeeb, itoi doyowa in intau Midian tua! Aka poyobandingonmai intua yo onubí in mangaḻe in aidku naa?” Naonda in ki Gideon noguman natua, mosia diádon sinumorú bui.

PINOGIAPAN 26:30

Inanakan i Iezer, i Helek,