HAKIM MITA 8:18 - Alkitab Singog In Mongondow Masa In Tanaa

¹⁸ Nopaḷut mako kon tua ki Gideon noḻibó kon i Zebah bo kon i Salmuna, “Naonda in batangan in intau mita inta iḻimod monimu kon Tabor tua?” Ki Zebah bo ki Salmuna notubag, “Mosia tua in komintanbí notombatanganmu, naonda bo buí in intau mita moḷoben.”

HAKIM MITA 8:18 Referans Kwoze

HAKIM MITA 4:6

Kon singgai tobatú nopotabá in sia kon intau nokioiní kon i Barak, adí i Abinoam, nongkon kotá in Kedes kon butá in Naptali. Bo sia in noguman kon i Barak, “Naa in parenta i Tuhan, Allah in Israel, kon inimu: ‘Sipundon in intau ḷoḷaki 10.000 nongkon suku Naptali bo Zebulon, bo diádon in mosia mayá in Buḷud in Tabor.

YUDAS 1:16

Intau mita tatua in umuran mongunsingog bo mopotaḷá kon intau mita ibanea. Mosia in mobiag podudui in ibog monia inta baradosa naa. Mosia in mongonguman kon moḷantud soaḷ kaadaan monia tontaní, bo umuran umapid mako kon intau sinbá mokouḻí kon kauntungan.

MAZMUR 89:12

Ḷangit bo butá Iko in kitogi, dunia bo bayongan in tombonunea Iko in nomaḻí.

MAZMUR 12:2

Tuḷungaipa kaasí in kami, o Tuhan, sin diádon in intau mopia, intau inta mosatia kon ini-Mu ain noyopú.

HAKIM MITA 8:5

Onda intua mosia nodapotdon in Sukot. Kon tua ki Gideon in noguman kon intau inta nogutun kon kotá tatua, “Tuḷungaipa ogoiai in kaanon topiḻikmai in intauku mita tanaa. Mosia in moḷopídon totok tongá kami in mustipa mogaḷow kon i Zebah bo kon i Salmuna, datu mita in Midian tua.”

HAKIM MITA 8:17

Kon Pnuel inumpagnea domandon in ḷangkeang bo noḻimod kon bayongan in intau ḷoḷaki kon kotá tatua.

HAKIM MITA 8:19

“Mosia tua in ki utatku mita – ki adí mita i ináku,” guman i Gideon. “Aka kuma bo diá iḻimod monimu in mosia, yo totuu kon diábí doman ḻimodonku in moiko.”

HAKIM MITA 4:12

Naonda in kinodongogan i Sisera kon ki Barak ain minayá in Buḷud in Tabor,

DATU MITA 2 1:7

“Naonda in batangan in intau tatua?” iḻibó i datu.