HAKIM MITA 7:25 - Alkitab Singog In Mongondow Masa In Tanaa

²⁵ Doyowa in itoi intau in Midian, inta ki Oreb bo ki Zeeb in dinomok monia. Ki Oreb iḻimod kon Batu Oreb bo ki Zeeb in iḻimod kon pomomugutan kon anggur i Zeeb. Intau mita in Epraim tatua umuran nondudur kon intau in Midian, bo nodia kon uḷu i Oreb bo i Zeeb kon i Gideon kon ḷoḷan in Yordan kon dotá in pomukaan.

HAKIM MITA 7:25 Referans Kwoze

YESAYA 10:26

Akuoi Ki Tuhan Inta Totok in mokawasa, in mosambokbí kon i monia in sambok uwoi, ná Akuoi nosambok kon intau in Midian kon Buḷud in batu Oreb. Asyur in hukumon-Kubí, ná Akuoi nohukum kon Mesir.

YOSUA 7:26

Nopaḷut mako kon tua binumbunandon monia in tampat tatua in batu inta mobarong totok bo dapot in tanaa oyúonpa doman intua. Tuamai in tampat tatua in sinangoianpa Ḷopá in Roriga. Dá noobotdon in torú i Tuhan.

YESAYA 9:4

Singog in sapatu in tontara inta kodongogan bo ḷambungnea inta nopuḻing in dugú, modait kaanon in tuḷú.

HABAKUK 3:7

Inontongku in rayat in Kusyan inaputan in ondok, bo intau in Midian urot mako.

MAZMUR 83:10

Pomiadon in mosia naonda bo intau in Midian, naonda bo ki Sisera bo ki Yabin kon Ongkag in Kison,