HAKIM MITA 7:2 - Alkitab Singog In Mongondow Masa In Tanaa

² Ki Tuhan noguman kon i Gideon, “Intaumu mita noiḻiudon in antó. Doíbí in Akuoi mopountung kon i monia nongkon intau in Midian, sin dikabo mosia morai kon nountung in mosia sin ropotbí monia tontaní, dá doí in mosia modayow kon i-Nakó.

HAKIM MITA 7:2 Referans Kwoze

ULANGAN 8:17

Dá, dika mokoimontanmai in morai kon moikobí in noramuji takin ropotmu tontaní nodapot in moiko nobaḻí nobiag nooyúon.

KORINTUS 2 4:7

Táe kaoyúonan inta mopia nongkon soroga tua in ná bí kon bonu in awak nami inta inaidan nongkon butá ḷamentong, sinbá moniatadon kon ropot moḷoben kon inami naa in nongkon i Allahbí, deemanbí nongkon inami tontaní.

SURAT I PAULUS KON JAMAAT RUM 11:18

Tuamai in dikabí moiko in diá mopandung kon tanga mita inta ain pinongkó tatua. Toropbí kon moiko in tongábí tanga. Deemanbí tanga in mobogoi in kaanon kon uakat, táe uakatbí in mobogoi in kaanon kon tanga mita.

ZAKHARIA 12:7

Akuoi, ki Tuhan, in muna-munamai mopountung kon tontara in Yohuda, sinbá kahoromatan inta sinarima in buí i Daud takin intau in Yerusalem in diá moiḻiu kon kahoromatan inta sinarima in intau in Yohuda ibanea.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

YEHEZKIEL 28:17

Batanganmu inta mogaga nokoḷoḷatú kon inimu bo kaoyúonanmu nokopopisí kon inimu notombodok. Tuamai pinomobak-Ku in iko kon butá bo binaḻí-Ku tompoingat kon datu mita ibanea.’ ”

SAMUEL 1 14:6

Dá nogumandon in ki Yonatan kon tayowmobiag tatua, “Igai mayá in kita kon poḷoḷukadan in intau in Pilistin inta kaper tatua. Dika-dika ki Tuhan moibogpabí motuḷung kon inaton. Sin ki Tuhan in motaaubí mobogoi in kauntungan pinomayá momaké in intau mobayong andeka intau moyakag.”

ULANGAN 32:27

Táe doíbí in Akuoi aka musung in Israel dumodia; dika-dika bo moitaḷá mosangka bo moguman kon mosia in nonaḷow kon umat-Ku,’ bokaka Akuoibí in nogaid kon tua.

SURAT I PAULUS KON JAMAAT RUM 3:27

Manangka intua diábí in dodoyonan naton dumodia. Nongonu sin natuabí? Popisí degá kita in dinumuduidon kon onu inta pinais kon hukum agama in Yahudi? Deemanbí! Táe popisíbí in kita mopirisaya.

HABAKUK 1:16

Onda intua ḷaḷa tatua in sinumba monia bo inogoian monia in sosumba kuruban, sin pinongin ḷaḷa tatua mosia in nokouḻídon kon rijiki nobayong totok bo nobaḻídon notomomon.

DANIEL 4:30

akuoi in noguman, “Indoiai, totuu motoyang in kotá in Babel! Akuoibí in noposindog kon tua nobaḻí ki iná in negara sin moponiata kon kawasa bo ropotku, koḷoḷantud bo koḷoḷobenku!”

YEHEZKIEL 28:2

“Ei intau ilo-ilow, potaaudon kon i datu in Tirus, onu inta poguman-Ku, Akuoi ki Tuhan Inta Totok in moḷantud kon inia, ‘Iḷumoḷatú totok in iko in nonganggap kon iko in dewa inta nomarenta kon yua-yuak in dagat. Motaaubí doman iko in tumon dewa, táe toropdon, iko in tongábí intau ilo-ilow.

YEREMIA 9:23

Ki Tuhan in noguman, “Intau mobijaksana in diábí motaau in moyunggagá popisí in kobobijaksananea, intau moropot popisí in ropotnea, bo intau nooyúon popisí in kaoyúonannea.

YESAYA 10:13

Datu in Asyur mongambungangaḷ, kainia, “Tua komintan inaidanku pinongin kawasaku tontaní. Akuoi in mobijaksana bo mopandoi. Pinopatanku in sigad mita in bangusa mita, bo inagowku in tongkaaḷ monia. Naonda bo bantong akuoi in noritak kon intau mita inta nomarenta.

TAWARIKH 2 14:11

Bo ki Asa in nosambayang kon i Tuhan Allahnea, “Tuhan, tongábí Iko in mokobantung kon inta moyangkó monayow kon inta moropot. Tuḷungaipa in kami in tanaa, o Tuhan Allah nami! Tongábí iko in andoḷan nami bo podoyon kon tangoi-Mu kami in ḷumuai moparang monayow kon tontara inta mobarong totok naa. Tuhan, Ikobí in ki Allah nami. Dikabí pomayá mako Iko taḷowon in intau tobatú.”

YESAYA 2:17

Intau moḷoḷatú in poompáan, bo intau mododia in potungkudon. Tongá ki Tuhan tontaní in poḷantudon.

YAKOBUS 4:6

Umpaka natua, totabi Allah inta inogoi kon i naton moropo-ropot nongkon ibog in roho naton tatua. Tuamai kon bonu in Buk motusi in pinais doman, “Ḷawangonbí i Allah in intau inta mokaḷakuang, táe Sia in motabibí kon intau inta moompá in dodia.”

YESAYA 2:11

Intau moḷoḷatú in poompáanbí bo intau mododia potungkudon. Tongá ki Tuhan tontaní in poḷantudon.

ULANGAN 8:18

Torop kon ki Tuhan Allahmubí in nobogoi in kaoyúonan tatua kon inimu. Tua inaidan-Nea sin umaai in singgai naa Sia umuranpabí mosatia kon dodandian inta pinomia-Nea takin mogoguyangmu.

KINOBAḺIAN 46:2

Kon tobatú oontongon wakutu in doḷom, ki Allah noguman kon inia, “Yakub, Yakub!” “Ya, Tuhan,” tubagnea.

PINOGIAPAN 31:4

Nongkon batúan in suku bangusa Israel, musti in moiko mosadia kon tontara toribu sin mayá moparang.”