HAKIM MITA 7:12 - Alkitab Singog In Mongondow Masa In Tanaa

¹² Intau in Midian, Amalek bo intau mita ibanea nongkon padang gurun, noibaya-bayádon mako kon ḷopá tatua. Koontongan in nádon onda bo pangkoḷá inta noyosipun. Unta mita monia mobarong totok naonda bo bungaion kon pintad.

HAKIM MITA 7:12 Referans Kwoze

HAKIM MITA 8:10

Kon dodai intua ki Zebah bo ki Salmuna takin bayongan in tontara monia kon Karkordon. Nongkon bayongan in tontara in intau mita kon padang gurun, dongkadon degá 15.000 in intau in kiagatnea; 120.000 in tontaranea in minatoidon.

HAKIM MITA 6:5

Intau mita tatua in mamangoi mokapu-kapung kodia-dia in bobiagon bo ḷoḷaigan monia inta mobayong totok. Mosia bo unta monia in diádon koiapan. Mosia in mamangoi sin momoguyaat kon butá tatua,

HAKIM MITA 6:3

Apadoman pomuḷoi in intau monononggobá in Israel, mamangoidon in intau in Midian moyotakin intau in Amalek bo intau mita ibanea nongkon padang gurun bo monubu kon intau in Israel.

YOSUA 11:4

Dá namangoidon in datu mita tatua takin bayongan in tontara monia inta totok in mobayong nádon bungaion kon pintad. Kabaḷo bo kereta in parang monia in mobarong domandon totok.

MAZMUR 33:16

Datu in diábí nountung popisí in nobarong in tontaranea, prajurit in deemanbí nosaḷamat popisí in ropotnea.

MAZMUR 3:1

Mazmur i Daud, kon tungkuḷ in sia noḷagui nongkon i Absalom, ki adínea.

DATU MITA IMITÁNEA 4:30

Kon butá mita kon dotá in pomukaan bo kon Mesir diábí in intau inta mopando-pandoi kon inia.

HAKIM MITA 6:33

Kon tungkuḷ intua bayongan in intau in Midian, Amalek bo suku mita in bangusa ibanea kon padang gurun inta kon dotá in pomukaan kon Yordan noyosipundon. Mosia in iḷumoḷan kon Ongkag in Yordan, bo nononḷoḷaigan kon Ḷopá in Yizreel.

HAKIM MITA 7:13

Naonda in ki Gideon nodapot in tua, sia nokodongog kon intau tobatú nongonguman kon togoindopnea kon yobayatnea. Intau tatua noguman nanaa, “Akuoi in sinumogoindop kon oyúon in roti tobatú noḻiḻid bo noituot kon pinononḷoḷaigan naton bo noitaḻib kon ḷoḷaigan tobatú. Ḷoḷaigan tatua noumpag nodapot in notondodaidon in butá.”

SAMUEL 1 30:17

Kon dodai in mata in singgai nobayagdon nobangon monik, mosia in sinubu i Daud, bo nobaḻídon in parang nodapot in doḷom. Koḻikud in opat nogatut in tayowmobiag inta noḷagui takin sinumakoi kon unta, diábí tobatúmai in musung in nokoḷagui.

YEREMIA 46:23

bo monaḷun kon kayuon moromon inta diá motaau tuotan. Tontara in musung diá koiapan, mobaro-barongdon nongkon pangkoḷá. Akuoi, ki Tuhan in noguman.

SAMUEL 1 13:5

Bo kon dodai intua intau in Pilistin noyosipun domandon sin monubu kon intau in Israel; kon dotá monia oyúon in 30.000 in kereta in parang, 6.000 in intau sinumakoi kon kabaḷo, bo prajurit mita ná kobayong in bungaion kon pintad. Mosia in noyosipun kon Mikhmas kon dotá in pomukaan kon Bet-Awen.

DATU MITA IMITÁNEA 20:27

Intau in Israel in nobogoidon in pakakat in parangnea kon tontaranea bo nopotabá kon i monia. Bo tontara in Israel tatua in minayá noparang sinilai kon doyowa nopaanan bo nomia kon ḷoḷaigan noyogintayowan in intau mita in Siria tatua. Aka potongkaionmai in tontara in Siria inta mobarong totok tatua nodapot in nopuḻing in ḷopá, yo tontara in Israel tua in tongádon naonda bo doyowa nopaanan in bembé.