HAKIM MITA 6:22 - Alkitab Singog In Mongondow Masa In Tanaa

²² Dá kinomangaḻeandon i Gideon kon inta namangoi kon inia tua in malaekatbí i Tuhan tontaní. Dá takin ondok nosingogdon in ki Gideon, “Moboditodon in akuoi, o Tuhan Inta Totok in Moḷantud! Sin akuoi in noyodungkuḷdon noyopogot mako in malaekat-Mu!”

HAKIM MITA 6:22 Referans Kwoze

KINOBAḺIAN 32:30

Onda intua ki Yakub noguman, “Akuoi ain noyodungkuḷ noyopogotmai i Allah, bo akuoi nobiagpa.” Tuamai tampat tatua sinangoiannea Pniel.

IḶUAIAN 33:20

Pogot-Ku in diábí poontong-Ku kon inimu, sin diábí motaau intau in mokoontong kon i-Nakó, bo umuran mobiag.

ULANGAN 5:26

Kon dodaidon in onda in intau umuran nobiag naonda in nokodongog kon i Allah inta nobiag nosingog nongkon tuḷú?

YOHANES 12:41

Ki Yesaya noguman natua sin sia ain nokoontong kon kamuliaan i Yesus, bo nongongumandon soaḷ Sia.

YOHANES 1:18

Diábí in nokoimontanmai in nokoontong kon i Allah, koḻikudbí in ki Adí tuḷong i Amá, inta notongkai i Amá bo modagin totok kon i-Nia. Kon i-Nia tuata moniata kon i naton in ki Amá.

ULANGAN 5:24

Mosia noguman, ‘Ki Tuhan, Allah naton, ain nopoontong kon i naton in kamuliaan bo kawasa-Nea, bo singog-Nea aindon dinongog naton nongkon yuak in tuḷú. Singgai naa aindon inontong nami, ki Tuhan ain nongonguman takin intau bo intau tatua in umuranpa nobiag.

ULANGAN 5:5

Táe popisí in moiko moondok kon tuḷú bo diá mokobaḻí in motakod kon buḷud, dá akuoi in dodai in tua in sinimindog kon sigad monimu bo i Tuhan sin mopotaau in tosingogon i Tuhan kon inimu. Ki Tuhan nopotaau,

KINOBAḺIAN 16:13

Ki Hagar noḻibó kon bonu in ginanea, “Totuu degá kon akuoi aindon nokoontong kon i Allah inta notabi kon inakó?” Dá sia in nodonoi kon i Tuhan, inta ain nopoyaput in tosingogon kon inia, “Ki Allah Inta Nonotabi.”

HAKIM MITA 6:23

Táe ki Tuhan noguman kon inia, “Pokoonow! Dika moondok. Iko in diábí matoi.”

KINOBAḺIAN 32:31

Kon dodai mata in singgai nomukádon, ki Yakub nonaḷámaidon kon Pniel, bo bobayánea in nododengkódon sin kayangnea in noyoḷogit.