HAKIM MITA 6:21 - Alkitab Singog In Mongondow Masa In Tanaa

²¹ Onda intua malaekat i Tuhan nopotundú in tungkud inta kokada-kadainea nodapot in popodnea tatua noiḻiai kon ponoyá bo roti tatua. Dinumokot in batu tatua bo nodaitdon nopokak in ponoyá bo roti tatua. Onda intua malaekat tatua diádon inontong.

HAKIM MITA 6:21 Referans Kwoze

IMAMAT 9:24

Bo daḻídon in ki Tuhan nopoponag in tuḷú inta nomokak kon bayongan kuruban tubáan takin bayongan ḷongó inta kon tudu in mezbah. Naonda in umat Israel nokoontong kon tua, mosia norogiow bo dinumokó nosumba.

TAWARIKH 2 7:1

Naonda in ki Datu Salomo nopaḷut mako nosambayang, tuḷú namonagdon nongkon ḷangit bo nomokak kon kuruban mita inta pinosumba kon i Tuhan. Bo sindar kinoangoian i Tuhan nomuḻing kon Baḷoi Tuhan tatua,

DATU MITA IMITÁNEA 18:38

Bo pinopoangoidon i Tuhan in tuḷú nongkon ḷangit bo nomokak kon kuruban tatua takin kayunea mita, batunea mita bo butánea nodapot in tubig kon gotnea in nodaitnea dinilá.

TAWARIKH 1 21:26

Bo ki Daud in noposindog in mezbah tobatú kon tua sin posumbaan kon i Tuhan, bo noposumba in kuruban payongon bo kuruban dodamean. Onda intua sia nosambayang bo inindongogan i Tuhan in sambayangnea tatua takin nopoangoi in tuḷú nongkon ḷangit inta nomokak kon kuruban mita kon tudu in mezbah tatua.

HAKIM MITA 13:20

Kon dodai in tuḷú tatua nodokot monik nongkon mezbah tatua, ki Manoah bo ki buḷoinea nokoontong kon malaekat tatua noponik kon bonu in dokot in tuḷú tatua, nopobayá in ḷangit. Bain tua bo kinotaauan i Manoah kon malaekatbí i Tuhan intua; dá sia bo ki buḷoinea sinumungkudon bo nosumba. Diádon dodai in onda in mosia nokoontong kon malaekat tatua bui.

HAKIM MITA 6:20

Malaekat i Tuhan tatua in noguman, “Ukatdon in ponoyá bo roti tatua kon tudu in batu tanaa bo popobutakdon in tubig in ponoyá tatua kon ḻimonikannea.” Inaidan i Gideon onu in pinoki aid kon inia.

HAKIM MITA 13:19

Dá ki Manoah nogamádon kon bembé batánea tobatú bo gandum topiḻik, bo inukatnea kon tudu in batu bo pinosumbanea kon i Tuhan, kon i Tuhan inta nomia kon onu mita inta mokoherang.

YESAYA 38:7

Ki Yesaya in notubag, “Naa in tomponuot inta ogoi i Tuhan kon i Tuang datu kon intompodan-Neabí in dandi-Nea.