HAKIM MITA 6:15 - Alkitab Singog In Mongondow Masa In Tanaa

¹⁵ Ki Gideon notubag, “Nongonu sin akuoibí, Tuhan? Naondabí in pomomilatku kon intau in Israel nongkon kawasa in intau in Midian? Kon bonu in suku Manasye inanakankubí naa inta totok in moyangkó. Bo kon bonu in motoḷuadíku, akuoi doman naa inta totok in diá in mangaḻenea.”

HAKIM MITA 6:15 Referans Kwoze

SAMUEL 1 9:21

Ki Saul notubag, “Akuoi naa in nongkon suku Benyamin, suku inta totok in mointok kon Israel, apa doman motoḷuadíku inta totok in diá in mangaḻenea kon bonu in suku tatua. Dá nongonu sin ki Amá in mogumanbí natua kon inakó?”

IḶUAIAN 3:11

Táe ki Musa in noguman kon i Allah, “Ki inebí in akuoi naa, dapot in mokosanggup mayá tumayow kon i datu bo modia kon intau Israel ḷumuai nongkon Mesir?”

IḶUAIAN 4:10

Táe ki Musa in noguman, “O, Tuhan, akuoi naa intaubí inta diá motoḻindat in mosingog, koḻipod ande masai naa, naonda in ki Tuhan nosingog kon inakó. Mobogat in diláku, moḷaḷoi bo diá motoḻindat.”

YEREMIA 1:6

Akuoi in notubag, “O Tuhan Inta Totok in moḷantud, akuoi in diábí mopandoi mosingog sin akuoi in noiḻiupa in guod.”

EPESUS 3:8

Kon sigad in bayongan umat i Allah, yo akuoibí naa in totok in mokooyá. Táe ki Allah ain noponotabi in oaidan tanaa kon inakó; oaidan mopoyaput in Habar Mopia soaḷ kaoyúonan i Kristus inta diá modai-dait;

KORINTUS 1 15:9

Sin akuoibí naa in rasul inta totok in mohina kon sigad in bayongan rasul, sin akuoi in nomogutú kon bayongan jamaat i Allah.

LUKAS 1:34

Dá kai Maria, “Akuoi naa in mongodeagapa, yo naonda in kobobaḻí intua komintan?”

MIKHA 5:2

Dá, ki Tuhan in mopomayádon in umat-Nea kawasaan in musung mita monia modapot in bobay inta ain sinantú mobaḻí ki iná in mongongawasa tatua mopononggadídon kon i-Nia. Mopaḷut mako kon tua intau mita tongobangusanea inta kon pinoḷumbúan in potobatúondon bui in bangusa monia.

YEREMIA 50:45

Tuamai, indongogaidon onu inta sinomayá-ku kon kotá in Babel, bo onu in aidan-Ku kon intaunea mita. Ki adí doman mita monia in uguton pobayá, bo bayongan in intau angoiandon in ondok.

SAMUEL 1 18:23

Táe naonda in mosia nopotaau intua kon i Daud, sia in notubag, “Kai monimu kamai yo mogampangbí in mobaḻí mototaka in datu? Akuoi naa in intau nobogá bo diá in mangaḻenea!”

KINOBAḺIAN 32:10

Akuoi in diá patus motarima kon bayongan tabi bo kososatia inta ain pinoontong i Tuhan kon inakó. Naonda in akuoi nobuat iḷumoḷan kon Ongkag in Yordan, akuoi in diábí nodia kon onu bo onu koḻikudbí in tungkud. Tanaa akuoi in nobui mangoi takin nobaḻídon doyowa nokolompok tanaa.

HAKIM MITA 6:11

Kon singgai tobatú malaekat i Tuhan namangoi kon kotá in Opra, bo iḻimitú kon siungon in pangkoi kayu terpentin, kapunyaan i Yoas, intau nongkon inanakan i Abiezer. Ki adínea inta ki Gideon, koyogot moḻintogmai kon gandum kon tampat pomomugutan kon anggur. Inaidannea intua takin inumado-adop sinbá diá koontongan in intau in Midian.