HAKIM MITA 5:3 - Alkitab Singog In Mongondow Masa In Tanaa

³ Indongogaidon ei datu mita bo pangeran, akuoi modondong kon i Allah in Israel, tuata in ki Tuhan.

HAKIM MITA 5:3 Referans Kwoze

MAZMUR 119:46

Atorang-Mu in potaaukubí kon datu mita, bo diábí in akuoi mooyá.

EZRA 7:21

Kon i monia inta nokadai kon kas in dodatuan kon propinsi Eprat Toyopan akuoi in momarenta sinbá onu kabí in igumon i Imang Ezra, intau inta nonotaau totok in Hukum i Allah inta nongawasa kon soroga, yo ḷagi ogoi kon inia,

DATU MITA IMITÁNEA 19:14

Ki Elia in notubag, “Oo Tuhan, Allah Inta Totok in mokawasa, akuoi naa in umuran mogaid tongá kon ini-Mu. Táe umat in Israel in iḻimimpatdon kon dodandian monia takin-mu. Mosia in nongokaidon kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakon monia ḻimodon in akuoi!”

DATU MITA IMITÁNEA 19:10

Ki Elia notubag, “O Tuhan, Allah Inta Totok in mokawasa, akuoi in umuran mogaid tongábí kon ini-Mu. Táe umat in Israel in iḻimimpat kon dodandian monia takin-Mu. Mosia in nongokai kon mezbah-Mu mita bo noḻimod kon nabi-Mu mita. Dongkadon akuoi in naa, bo tanaa in tayakondon monia ḻimodon in akuoi!”

DATU MITA IMITÁNEA 18:22

Onda intua nogumandon in ki Elia, “Kon sigad in nabi mita i Tuhan tongádon akuoi in nobiag, bokaká kon naa in 450 in nabi Baal.

HAKIM MITA 5:7

Kotá mita in Israel diádon in nogutun, noingongowdon nodapot in iko namangoi, Debora; iko namangoi naonda bo ki iná in Israel.

ULANGAN 32:3

Akuoi in modayow kon tangoi i Tuhan. Potaaudon in kokokawasa i Allah naton!

ULANGAN 32:1

“Indongogaidon, ei ḷangit, akuoi in moibog mopotaau; ei butá, indongogaipa!

IMAMAT 26:28

Dá tumorúdon totok in Akuoi poḷat mosambok kon i monimu, bo mohukum kon i monimu inta kobogat in hukuman tatua in kopitu nongkon ná inta ain pinopoaid-Ku kon i monimu.

IḶUAIAN 31:6

Ki Aholiab, ki adí i Ahisamakh nongkon suku Dan, ain piniḻí-Ku doman sin motuḷung kon inia. Bas mita inta mopandoi ogoian-Ku doman in toḻidat inta diá in poḻiu, sinbá mosia motaau mogaid kon onuka in pokiaid-Ku:

KINOBAḺIAN 9:9

“Tanaa Akuoi in mogaid kon dodandian-Ku takin i monimu bo takin buímu,

KINOBAḺIAN 6:17

Poangoi-Ku in ḷunud moḷoben sin poyopú kon bayongan in mahaḷuk inta nobiag kon dunia naa. Bayongan yagi-yagi kon dunia naa modaitbí matoi,

MAZMUR 27:6

Tanaa akuoi in nountung kon musung inta kon ḻibukumai; dá takin goḷokap takin pia in gina pinosumbaku in kuruban sukur kon Baḷoi-Nea; akuoi in nodondong bo nodayow kon i Tuhan.

MAZMUR 61:8

Igumon mako momarenta in sia modapot in mononoi saḷaku datu inta piniḻí-Mu, o Allah, Oḻiungaidon in sia in tabi bo kososatia-Mu.

MAZMUR 146:2

Akuoi in moibog modayow kon i Tuhan kon kinoouput in kobiaganku bo modondong kon i Allahku kon dodai in oyúonpa in akuoi.