HAKIM MITA 5:2 - Alkitab Singog In Mongondow Masa In Tanaa

² Dayowdon in ki Tuhan, sin tontara mita in Israel in noniat bidon in mayá moparang, bo nobayagbí in gina in rayat in mayá moparang.

HAKIM MITA 5:2 Referans Kwoze

HAKIM MITA 5:9

Kon panglima mita in Israel inta namangoi takin ibog tontaní, poyaputku in tosingogon ponghargaan moḷoben kon i monia. Dinayo-dayowdon in ki Tuhan!

MAZMUR 110:3

Kon singgai iko mamangoi takin kawasa, kon buḷud inta motusi, rayatmu in mayá takin ibog tontaní. Naonda bo oḷú doḷo-doḷom, tayowmobiag mita mamangoi kon inimu.

TAWARIKH 2 17:16

Intau nogintoḷu in ki Amasia ki adí i Zikhri; sia in nobaḻí tongguḷu kon 200.000 in tontara (Ki Amasia naa in intau tobatú inta ibogneabí tontaní in nogundoi kon i Tuhan.)

PILIPI 2:13

Sin ki Allahbí in mopogonú kon ginamu sinbá moibog bo mokosanggup moposanang in gina i Allah in moiko.

WAHYU 19:2

Sin pohohakim-Nea in moadil bo mobijaksana! Sia ain nopoḷabú in hukuman kon sundaḷ moḷoben, inta nomoguyaat kon dunia naa takin aidnea inta mokotor. Ki Allah ain nohukum kon sundaḷ tatua, sin sia in noḻimod kon intau mita inta nogaid kon oaidan i Allah.”

WAHYU 18:20

Ei soroga, koḷungangadon kon kinorimumudan in kotá tatua! Ei umat i Allah, rasul mita, bo bayongan in nabi koḷungangadon in gina! Sin ki Allah ain nohukum kon inia saḷaku tontuḻí in aidnea kon i monimu!

PILEMON 1:14

Táe doíbí in akuoi momia kon natua aka diápa muna moyosingogmu. Sinbá onu inta mopia pomiaanmu, deemanbí popisí in pinakisaku; táe inaidanmubí intua takin nosanang in gina.

KORINTUS 2 9:7

Táe poigumonku mako moiko mobogoibí takin pia in gina, diá tongá pakisa, sin intaubí inta mobogoi takin pia in gina in kotabi i Allah.

KORINTUS 2 8:12

Aka gina monimu bo motuḻidbí in mobogoi, dá tarimaanbí i Allah onu inta inogoi monimu tua, asaḷ bo onu inta inogoi monimu tua, pinodoyon kon onu inta oyúon kon i monimu, deemanbí pinodoyon kon onu inta diá in kon i monimu.

KORINTUS 1 9:17

Aka kuma bo tongábí ibogku tontaní in mogaid kon oaidan tatua, yo tantú mogoḷatbí mako in akuoi kon boḻi in oaidanku tatua. Táe naa bo parentabí i Allah, dá mustibí aidanku.

MAZMUR 136:15

Táe datu in Mesir bo tontaranea in iḷomot-Nea; tabi-Nea in umuran mononoi.

MAZMUR 97:8

Intau mita inta nogutun kon Sion bo kon kotá mita in Yohuda in nosanang naonda in nokodongog kon onu inta sinantú i Tuhan.

MAZMUR 94:1

O Allah, Ikobí in ki Allah inta motuḻí, poontongdon in tontuḻí-Mu, o Tuhan.

MAZMUR 48:11

Tangoi-Mu kinotaauandon totok bo dinayow kon sinangkub in butá, Iko in nomarenta nokopoadil.

MAZMUR 18:47

Ki Tuhan in nobiag! Dinayo-dayowdon in mododuḷuku! Poḷantudon in koḷoḷoben i Allah mopoposaḷamatku!

NEHEMIA 11:2

Kon sigad monia oyúonbí in takin ḻimbatú in gina mogutun motantú kon Yerusalem bo mosia in dinayow in rayat.

ULANGAN 32:43

Ei bangusa mita, dayowdon in umat i Tuhan, sin ki Tuhan in mohukumbí kon bayongan inta noḻimod kon i monia. Sia in motuḻíbí kon musung-Nea táe mongampung kon dosa in umat-Nea.”

ULANGAN 33:21

Butá inta totok in mopia ginamá sin ogoi kon inia tonsilai in itoi inogoi kon i monia. Mosia in nopoaid in bayongan parenta bo hukum i Tuhan kon dodai in itoi mita in Israel noyosipun noyotakin.”

MAZMUR 103:2

Dayowdon in ki Tuhan, ei dimukudku, dika ḻiongon in bayongan in kopopia-Nea!