HAKIM MITA 5:16 - Alkitab Singog In Mongondow Masa In Tanaa

¹⁶ Nongonu sin mosia in tongábí umuran simindog mako kon yua-yuak in domba? Degá mokidongog kon gombala mogoiní kon bobiagonnea? Totuubí kon suku i Ruben in diá mokopotantú kon gina sin kon sigad monia diá in kinotantúan in tosingogon mopakat.

HAKIM MITA 5:16 Referans Kwoze

PINOGIAPAN 32:24

Bayádon posindog in kotá mita bo ḷantung mita in dombamu, bo dika mokoḻiong in mogintompod kon onu inta ain pinodandi monimu tua.!”

PILIPI 3:19

Intau mita natua in moputúbí, sin tuhan monia in sianbí monia, bo aid monia inta moromú tua duíonbí monia; sin tongábí bonu in dunia naa in umuran raion monia.

PILIPI 2:21

Sin ibanea mako in tongábí morai kon kopontingan monia tontaní, deemanbí morai kon kopontingan i Kristus Yesus.

MAZMUR 77:6

Iraiku kon singgai mita inta ain kinotaḻiban, toro-toroponku bo tano-tanobonku in taong mita inta ain kinotaḻiban.

MAZMUR 4:4

Pokotaaudon, ki Tuhan ain nomiḻí kon i-Nia tontaní tobatú intau inta kinotabi-Nea. Ki Tuhan in mokidongogbí aka mokuani in akuoi kon i-Nia.

HAKIM MITA 5:15

Itoi mita kon suku i Isakhar namangoi noyotakin i Debora, ki Isakhar namangoi, bo ki Barak dinumudui doman; mosia in dinumudui kon inia nosiḻig kon ḷopá. Táe suku i Ruben diá in kinotantúan in gina sin kon sigad monia diá in nopakat kon tosingogon.

KINOBAḺIAN 49:14

Ki Isakhar tua in naonda bo keledai moropot inta inumuḻid kon sigad in karansi mita pobobonuan kon datognea.

MAZMUR 68:13

“Datu mita takin tontaranea in noḷaguidon!” Mosia in noḷagui naonda bo paḷoma inta iḷumayugdon minayá. Bobay mita kon baḷoi in mosila-silaidon mako kon saḷaka bo buḷawan inta sinaḷáan. Umpaka nobayong in diá dinumudui noparang, umat i Allah in pinountungdon.

PINOGIAPAN 32:6

Tubag i Musa, “Umpaka yo moiko in tongábí mogutun mako kon naa, bo intau mita inta tobangusamu in mayá moparang?