HAKIM MITA 5:14 - Alkitab Singog In Mongondow Masa In Tanaa

¹⁴ Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

HAKIM MITA 5:14 Referans Kwoze

HAKIM MITA 12:15

Onda intua minatoi in sia bo iḷobong kon Piraton kon butá in Epraim kon buḷud in intau Amalek.

HAKIM MITA 3:27

Naonda in nodapot kon buḷud in Epraim, sia in nogirup kon torompet sin mogoiní kon intau in Israel moparang. Mosia in namangoi bo dinianea in mosia nosiḻig kon buḷud tatua.

HAKIM MITA 3:13

Datu in Eglon dinumugang kon bangusa in Amon bo Amalek, bo nonaḷow kon intau in Israel, bo nogagow kon Yerikho, kotá in kurma tatua.

HAKIM MITA 4:14

Bo ki Debora noguman kon i Barak, “Monik, bayádon! Ki Tuhanbí in modia kon inimu. Singgai in naa pountung i Tuhan in moiko kon i Sisera.” Dá nosiḻigdon in ki Barak nongkon Buḷud in Tabor noyotakin in intaunea mopuḷú noribu,

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

HAKIM MITA 5:13

Tontara inta mobarani inta nobiagpa namangoi kon itoinea, mosia in namangoi, bo nosadia sin moberjuang kon kopontingan-Nea.

MAZMUR 68:27

“Dayowdon in ki Allah kon yua-yuak in pinoyosipunan in umat-Nea, dayowdon in ki Tuhan, ei bayongan in buí i Yakub!”

HOSEA 5:8

Irupdon in torompet kon Gibea! Posingogdon in tomponuot tongganut moparang kon Rama! Podidídon in kokow poparangan kon Betel! Mako, intau in Benyamin, bayádon poparang!

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.

KINOBAḺIAN 35:23

Ki adí mita i Lea in ki Ruben (adí guya-guyang i Yakub), ki Simeon, ki Lewi, ki Yohuda, ki Isakhar bo ki Zebulon.

KINOBAḺIAN 35:24

Ki adí mita i Rahel in ki Yusup bo ki Benyamin.