HAKIM MITA 5:10 - Alkitab Singog In Mongondow Masa In Tanaa

¹⁰ Ei moiko inta sinumakoi kon keledai nobudó, moiko inta iḻimitú kon permadani, bo moiko komintan inta minaya-mayá in sioḷ, pohabardon in kinountungan tanaa!

HAKIM MITA 5:10 Referans Kwoze

HAKIM MITA 12:14

Ki adínea ḷoḷaki in opat nopuḷú bo ki ompunea mita ḷoḷaki in toḷu nopuḷú. Mosia notukidbí in keledai totakoian. Waḷu notaong in ki Abdon in nobaḻí itoi kon umat in Israel.

HAKIM MITA 10:4

Ki adínea ḷoḷaki toḷu nopuḷú in koantónea. Keledai monia totakoian in toḷu nopuḷú in kobayongnea bo toḷu doman nopuḷú in ḻipú monia kon butá in Gilead. Ḻipú mita tatua sinangoianpabí ḻipú mita i Yair.

MAZMUR 105:2

Podondongdon in dondong dodayow kon i Tuhan, pohabardon in bayongan mia-Nea inta mokoherang.

YOËL 3:12

Ki Tuhan in noguman bui, “Bangusa mita in mustibí mosadia bo mayá in Ḷopá in Pohakiman. Kon tua Akuoi ki Tuhan in monisig kon bangusa mita inta noyodiugmai in umat-Ku.

YESAYA 28:6

Ki Tuhan in mobogoibí in aid moadil kon hakim mita, bo barani kon intau mita inta pinoki ḷukadan in kotá bá diá tubuon.

MAZMUR 145:11

Mosia in mopoḷantudbí in kawasa-Mu saḷaku Datu, bo mongonguman kon kototorindog-Mu,

MAZMUR 145:5

Mosia in mopotaaubí in koḷoḷantud bo komomulia-Mu, mia-Mu inta mokotongaw in tano-tano bo kubí.

MAZMUR 107:32

Mosia in nopoḷantud kon komomulia in Tuhan kon yuak in umat-Nea, bo nodayow kon i-Nia kon bonu in pinoyodungkuḷan in guhanga mita.