HAKIM MITA 4:4 - Alkitab Singog In Mongondow Masa In Tanaa

⁴ Kon dodai intua intau inta nobaḻí itoi kon Israel in nabi bobay tobatú. Ki Debora in tangoinea, ki buḷoi i Lapidot.

HAKIM MITA 4:4 Referans Kwoze

LUKAS 2:36

Kon tua oyúon doman in nabi bobay inta ain nogoguyang totok. Ki Hana in tangoinea, ki adí i Panuel, nongkon suku in Asyer. Pitu notaong sia nobiag noyotakin i buḷoinea,

DATU MITA 2 22:14

Dá minayádon in ki Hilkia, ki Ahikam, ki Akhbor, ki Sapan bo ki Asaya nopoigum in totundú kon bobay tobatú inta ki Hulda in tangoinea. Sia in nabi inta nogutun kon ḻipú mobagu kon Yerusalem. Ki buḷoinea in ki Salum adí i Tikwa, ki ompu i Harhas; sia in mononoḻisí kon pakeang in ibada kon Baḷoi Tuhan. Naonda in ki Hulda nokodongog kon katarangan monia,

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

GALATIA 3:28

Tuamai intau in Yahudi andeka intau in Yunani, diá bidon in yoposinea bo diábí domandon in sinangoian ata andeka intau nobebas, ḷoḷaki andeka bobay. Moiko komintan ain bidon notobatú takin i Kristus Yesus.

KORINTUS 1 11:5

Tongá aka bobay bo mosambayang ande mopoyaput in Habar Mopia nongkon i Allah bo diá mogi koḷob in uḷu, yo tua in mangaḻenea diá hargaannea in ki buḷoinea ḷoḷaki inta nobaḻí tongguḷunea. Bobay tatua in naonda bo intau inta nokiḷogatdon.

OUMAN IN RASUL MITA 21:9

Ki Pilipus in kogadí kon mongodeaga opat. Ki adínea mita tatua ain inogoian i Allah in komampuan mopotaau in Habar Mopia nongkon i Allah.

MIKHA 6:4

Moiko in dinia-Kudon iḻumuai nongkon Mesir, bo pinoḷuat-Kudon nongkon pinononggataan; Akuoi in nopotabádon kon i Musa, kon i Harun, bo kon i Miryam sin modia kon i monimu.

NEHEMIA 6:14

Akuoi in nosambayang, “Oo Allah, toropdon onu in inaidan i Tobia bo i Sanbalat tatua. Hukumdon in mosia! Natua doman in nabi bobay inta ki Noaja bo nabi mita ibanea inta moibog mopogogondok kon inakó.”

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

HAKIM MITA 4:5

Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

YEHEZKIEL 13:17

Ki Tuhan in noguman, “Tanaa, ei intau inta ilo-ilow, taridiaika in bobay mita inta tumangoi nabi mita kon sigad in bangusamu. Torúaidon in mosia,

HAKIM MITA 5:1

Kon singgai tatua nododongdon in ki Debora bo ki Barak adí i Abinoam. Nanaa in kainia