HAKIM MITA 4:23 - Alkitab Singog In Mongondow Masa In Tanaa

²³ Singgai tua ki Tuhan in nopountung kon intau in Israel kon i Yabin, datu in Kanaan.

HAKIM MITA 4:23 Referans Kwoze

MAZMUR 18:47

Ki Tuhan in nobiag! Dinayo-dayowdon in mododuḷuku! Poḷantudon in koḷoḷoben i Allah mopoposaḷamatku!

NEHEMIA 9:24

Buí monia in nonaḷow kon butá in Kanaan; intau mita kon tua pinotungkud-Mu. Umat-Mu inogoian-Mu in kawasa momia kon onu in koibognea aidan kon bangusa mita in Kanaan bo kon datunea mita.

IBRANI 11:33

Popisí in mosia mopirisaya, dá sinaḷowdon monia in dodatuan mita ibanea. Inaidan monia in onu inta totuu, tuamai in nouḻí monia onu inta pinodandi i Allah. Bibig mita in singa pinomponan monia,

KORINTUS 1 15:28

Táe naonda in bayongan yagi-yagi pinotungkudon kon ḻimonag in kawasa i Kristus, dá Sia tontaní inta ki Adí i Allah in tumungkudbí kon i Allah inta ain nopotungkud kon bayongan in yagi-yagi kon i-Nia. Bo ki Allahdon tontaní in momarenta kon tua komintan.

MAZMUR 81:14

Ah, aka kuma bo umat-Ku moibog mokidongog kon i-Nakó, aka kuma bo mosia moibog tumoindudui kon i-Nakó,

MAZMUR 47:3

Sin ki Tuhan Inta Totok in moḷantud in motoyang, Datu Momulia inta nongawasa kon sinangkub in butá.

MAZMUR 18:39

Pomobakku in mosia modapot in diádon mokobangon bui, mosia in moobat diádon mokopongonu kon tayowon in sioḷku.

TAWARIKH 1 22:18

Gumannea, “Ki Tuhan Allahmu ain notuḷung kon i monimu, bo nobogoi in dodamean bo bayongan in kobiagan motompia kon bayongan butá. Sia in nopountungdon kon inakó nongkon bayongan in bangusa inta dungkuḷmai nogutun kon butá tanaa. Tanaa mosia in notoguondokdon kon inimu bo kon i Tuhan.

HAKIM MITA 4:22

Naonda in ki Barak namangoi notayak kon i Sisera, sinontomu i Yael in ki Barak bo poḷat noguman kon inia, “Igai bá tundúon ku kon inimu in intau inta tayakonmu tua.” Ki Barak sinumuot noyotakin i Yael, bo inontongneadon kon ki Sisera in minatoidon, noiukat mako kon butá bo noipatokpa doman mako kon koibingnea in patok in ḷoḷaigan.

HAKIM MITA 4:24

Koonggot-koonggot kodugang-kodugang domandon in roriga popoaid in intau Israel kon i Datu tatua nodapot in minatoidon in sia.