HAKIM MITA 4:21 - Alkitab Singog In Mongondow Masa In Tanaa

²¹ Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.

HAKIM MITA 4:21 Referans Kwoze

KORINTUS 1 1:27

Sin sinuodbí i Allah piniḻí in intau mita inta inanggap in dunia naa nobodok, sinbá mosia in mokopooyámai kon intau mita inta mongopandoi. Bo sinuodbí doman i Allah in momiḻí kon intau mita inta inanggap in dunia naa diá mokopongonu, sinbá mongooyá in intau mita inta mongoropot.

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

HAKIM MITA 3:21

Bo baḷúdon irabut i Ehud in ḻimanea koḷoigi in pitownea inta kon ogotannea dotá in koḷanan, bo pinonumbuknea kon sian i datu. Mata in pitow tatua nodait noibonu kon ḷongó mita in sian i datu tatua, nodapot in noiḷambai kon ḻikud. Diadon i rabut i Ehud in pitow tatua kon sian i datu,

KORINTUS 1 1:19

Sin kon bonu in Buk Motusi, ki Allah in noguman nanaa, “Poyayingon-Ku in kapandoian intau mita inta mongopandoi, bo onu in kinotaauan in intau mita inta norosikoḷa, daiton-Ku popoḻiong.”

SAMUEL 1 17:43

Guman i Goliat kon i Daud, “Pongonubí in tungkud tanion? Degá kainimu kamai akuoi naa in ungkúbí?” Bo inodi-odiannea in ki Daud pinodoyon kon dewanea mita.

HAKIM MITA 15:15

Onda intua nokouḻí in sia kon tuḷan ayoi in keledai inta nobagupa. Pinuyutnea in tuḷan tatua, bo pinakénea noḻimod kon intau 1.000 in kobayongnea.

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

HAKIM MITA 4:9

Ki Debora notubag, “Mopia, dumudui in akuoi! Táe pokotorop, deemanbí iko in mokouḻí kon kahoromatan. Popototoidon kon bobay tobatú ki Tuhan monaḷow kon i Sisera.” Dá nobuatdon in ki Debora noyotakin i Barak minayá in Kedes.

HAKIM MITA 4:20

Bo ki Sisera noguman kon i Yael, “Bayádon sindog kon tayowon ngara in ḷoḷaigan. Aka oyúon in intau mamangoi bo moḻibó kon inimu mongo oyúon in intau kon naa, yo diá in kamako.”

HAKIM MITA 4:22

Naonda in ki Barak namangoi notayak kon i Sisera, sinontomu i Yael in ki Barak bo poḷat noguman kon inia, “Igai bá tundúon ku kon inimu in intau inta tayakonmu tua.” Ki Barak sinumuot noyotakin i Yael, bo inontongneadon kon ki Sisera in minatoidon, noiukat mako kon butá bo noipatokpa doman mako kon koibingnea in patok in ḷoḷaigan.