HAKIM MITA 4:19 - Alkitab Singog In Mongondow Masa In Tanaa

¹⁹ Guman i Sisera kon i Yael, “Ogoiaipa in akuoi in tubig topiḻik inumonku; morogang in akuoi.” Dá binukádon i Yael in botutu kuḻit tampat in susu, bo pinoinumnea in ki Sisera, onda intua bui kinoḷobannea in toipoi.

HAKIM MITA 4:19 Referans Kwoze

YOHANES 4:7

Bo murí-Nea mita minayádon in kotá sin notaḷui kon kaanon. Diá noonggot kon tua oyúon tobatú bobay in Samaria in namangoi sin monangkob. Ki Yesus in noguman kon inia, “Iná, motaau degá in Akuoi moigum kon tubig inumon-Ku?”

YESAYA 41:17

Aka bangusaku inta noiḷaḻe tua motayak kon tubig, bo sigogow monia in moingkag popisí in morogang, dá Akuoi, ki Tuhan, in motubagbí kon sambayang monia; Allah in Israel in diábí monaḷámai kon umat-Nea.

DATU MITA IMITÁNEA 17:10

Dá minayádon in Sarpat in ki Elia. Naonda in nodapotmai kon bonawang in kotá tatua, inontongnea in boba-bobay tobatú mopuyutmai kon kayu pondungú. Bo noguman in ki Elia kon boba-bobay tatua, “Iná, tuḷungaipa pogamáai kon tubig topilik inumonku.”

KINOBAḺIAN 24:43

Akuoi in tantúpabí simindog mako kon diug in parigí tanaa. Aka tobatú mongodeaga mamangoi sin monangkob kon tubig, yo akuoi in moigum kon inia kon tubig inumonku.

HAKIM MITA 4:18

Naonda in ki Sisera namangoi, sinontomu i Yael in sia poḷat noguman, “Igai Tuang, tuotdon kon bonu in ḷoḷaiganku; dikadon moondok.” Dá sinumuotdon in ki Sisera kon bonu in ḷoḷaigan tatua bo kinoḷoban i Yael in toipoi in sia sinbá moibuni.

HAKIM MITA 4:20

Bo ki Sisera noguman kon i Yael, “Bayádon sindog kon tayowon ngara in ḷoḷaigan. Aka oyúon in intau mamangoi bo moḻibó kon inimu mongo oyúon in intau kon naa, yo diá in kamako.”

HAKIM MITA 5:24

Binarakatandon in ki Yael, ki buḷoi bobay i Heber intau in Keni; nongkon bayongan inta nogutun kon ḷoḷaigan, sia tuata inta totok in binarakatan.