HAKIM MITA 4:10 - Alkitab Singog In Mongondow Masa In Tanaa

¹⁰ Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

HAKIM MITA 4:10 Referans Kwoze

HAKIM MITA 5:15

Itoi mita kon suku i Isakhar namangoi noyotakin i Debora, ki Isakhar namangoi, bo ki Barak dinumudui doman; mosia in dinumudui kon inia nosiḻig kon ḷopá. Táe suku i Ruben diá in kinotantúan in gina sin kon sigad monia diá in nopakat kon tosingogon.

HAKIM MITA 4:14

Bo ki Debora noguman kon i Barak, “Monik, bayádon! Ki Tuhanbí in modia kon inimu. Singgai in naa pountung i Tuhan in moiko kon i Sisera.” Dá nosiḻigdon in ki Barak nongkon Buḷud in Tabor noyotakin in intaunea mopuḷú noribu,

DATU MITA IMITÁNEA 20:11

Ki Datu Ahab in notubag, “Pogumandon kon i Datu Benhadad: Tontara inta totu-totuu tontara, bainbí mopaḷut mako moparang bo mopia in ginanea, deemanbí kon tungkuḷ in diápa moparang.”

SAMUEL 1 25:27

Tarimadon in tombuinag inta dinia in bobantung tanaa kon i Tuangku, bo kon intau mita i Tuangku.

HAKIM MITA 4:6

Kon singgai tobatú nopotabá in sia kon intau nokioiní kon i Barak, adí i Abinoam, nongkon kotá in Kedes kon butá in Naptali. Bo sia in noguman kon i Barak, “Naa in parenta i Tuhan, Allah in Israel, kon inimu: ‘Sipundon in intau ḷoḷaki 10.000 nongkon suku Naptali bo Zebulon, bo diádon in mosia mayá in Buḷud in Tabor.

IḶUAIAN 11:8

Kinotontumiannea ki Musa noguman, “Komintan pogawai moḷantud i Tuangku in mamangoibí bo tumungkud kon tayowonku bo mopoigum sinbá akuoi bo bangusaku in monaḷámaidon kon butá tanaa. Mopaḷut mako kon tua akuoi in mayádon.” Bo sinumorú totok in ki Musa bo nonaḷámai kon i datu.

HAKIM MITA 6:35

Sia in nopotabá doman in intau minayá in suku Asyer, Zebulon, Naptali bo suku Manasye – pinomayá inta kon dotá in pomukaan andeka inta kon dotá in toyopan kon Ongkag in Yordan, sin mopoigum sinbá mosia moibog moyotakinnea. Dá mosia namangoi sin mobantung kon i Gideon.

MAZMUR 68:28

Benyamin in suku inta totok in mointok, táe sia in kon muna, bodongka moyo-moyodudui in itoi mita in Yohuda kon tuminea in itoi mita in Zebulon bo Naptali.