HAKIM MITA 3:9 - Alkitab Singog In Mongondow Masa In Tanaa

⁹ Onda intua umat in Israel nokuani nokituḷung kon i Tuhan, bo inogoi i Tuhan in ki Otniel sin mopoḷuat kon i monia. (Ki Otniel ki adí i Kenas, inta ki ai-ai i Kaleb.)

HAKIM MITA 3:9 Referans Kwoze

HAKIM MITA 3:15

Táe naonda in umat Israel nokuani nokituḷung kon i Tuhan, inogoi i Tuhan in ki Ehud sin nopoḷuat kon i monia. Ki Ehud naa in ḻimanea koḷoigi in moropot; sia in ki adí i Gera nongkon suku Benyamin, bo sia tua inta biasamai mogatod kon i Datu Eglon kon iba inta musti uboḻian in umat in Israel.

HAKIM MITA 1:13

Ki Otniel, adí i Kenas inta ki ai-ai i Kaleb, nokoagow kon kotá tatua. Dá inogoidon i Kaleb in ki Akhsa, ki adínea, pinobuḷoi i Otniel.

HAKIM MITA 10:10

Bo umat in Israel nokuanidon kon i Tuhan, kainia, “Kami aindon nogaid kon dosa kon ini-Mu, sin kami in diádon noindoimai kon ini-Mu, o Allah nami. Kami in nosumbadon kon dewa mita i Baal.”

HAKIM MITA 6:7

Onda intua umat in Israel nokuani kon i Tuhan sinbá motuḷung kon i monia monayow kon intau in Midian.

MAZMUR 22:5

Mogoguyang nami in nongamang kon ini-Mu, mosia in nongamang, bo pinosaḷamat-Mu in mosia.

HAKIM MITA 4:3

Ki Yabin kokereta in parang inta pinomia nongkon uatoi, 900 in kobayongnea. Doyowa nopuḷú notaong in koonggotnea sia in nononggata kon intau in Israel takin dodia moraat. Bo mosia in nokuani nokituḷung kon i Tuhan.

HAKIM MITA 2:16

Nopobui-buimaidon in ki Tuhan nobogoi in itoi kon i monia sin moḷongasi ḷumuat kon musung mita inta mamangoi mogagow.

MAZMUR 78:34

Pomuḷoi in ki Allah moḻimod kon tongonumai in kon sigad monia, ibanea in momanasaḷ bo mobui mangoi kon i-Nia.

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

SAMUEL 1 12:10

Onda intua mosia nosambayang kon i Tuhan nongaku kon dosa monia; guman monia, ‘Kami aindon binaradosa sin nonoḻikudon kon ini-Mu, oo Tuhan, bo nosumba kon patong mita i Dewa Baal bo i Asytoret. Táe, tanaa in posaḷamatdon in kami nongkon musung nami, dá kami in mogundoidon kon ini-Mu!’

YOSUA 15:17

Ki Otniel, adí i Kenas inta ki utat i Kaleb, nogagow kon butá tatua; dá inogoi i Kaleb in ki Akhsa pinobuḷoi i Otniel.

HAKIM MITA 3:8

Dá ki Tuhan sinumorú kon umat in Israel, bo pinomayá-Neadon mako in mosia sinaḷow i Datu Kusyan-Risyataim nongkon Mesopotamia. Waḷu notaong in koonggotnea in datu tatua nongawasa kon i monia.

HAKIM MITA 2:18

Aka ki Tuhan mobogoi in itoi kon bangusa in Israel, dá ki Tuhan in umuranbí motuḷung kon itoi tatua. Bo kon dodai in itoi tatua mobiagpa, ki Tuhan in umuranbí mopoḷuat kon i monia nongkon musung mita monia. Sia in motabibí kon i monia aka kodongogan-Nea in mosia mogamui sin pogutúon ande yoyigaan.