HAKIM MITA 3:27 - Alkitab Singog In Mongondow Masa In Tanaa

²⁷ Naonda in nodapot kon buḷud in Epraim, sia in nogirup kon torompet sin mogoiní kon intau in Israel moparang. Mosia in namangoi bo dinianea in mosia nosiḻig kon buḷud tatua.

HAKIM MITA 3:27 Referans Kwoze

SAMUEL 1 13:3

Onda intua ki Yonatan nonaḷow kon itoi in tontara in Pilistin inta kon Geba, bo kinodongogandon in bangusa Pilistin intua. Bo ki Saul nogirup in torompet kon bayongan in butá tatua sin mogoiní kon intau mita in Ibrani mayá moparang.

HAKIM MITA 6:34

Táe ki Gideon kinawasa in Roho i Tuhan, dá sia nogirup kon torompet sin mogoiní kon intau mita inta inanakan i Abiezer sinbá mamangoi dumugang kon inia.

DATU MITA 2 9:13

Dá baḷúdon in yobayat mita i Yehu noḷongkut kon jubah mita monia bo nopoompat kon tukad kon tayowon i Yehu. Bo nogirup in mosia kon torompet poḷat nomaḷú, “Ki Yehu in datu!”

SAMUEL 2 20:22

Bo minayádon in sia takin mokaḻet nopotaau in makusudnea kon intau inta nogutun kon kotá tatua. Nopaḷut mako kon tua uḷu i Seba pinongkó bo pinogambat kon i Yoab. Onda intua nogirup in ki Yoab kon torompet bo intaunea mita in nonaḷámaidon kon kotá tatua bo nobuidon kon baḷoinea-baḷoinea. Ki Yoab in nobuidon kon Yerusalem bo minayá kon tayowon i datu.

HAKIM MITA 19:1

Kon tungkuḷ in intau Israel diápa ko datu, oyúon in intau in Lewi nogutun kon tampat inta noyayú, kon ḻikudmai in buḷud in Epraim. Nogamá in sia kon bobay tobatú nongkon Betlehem Yohuda bo binaḻínea ki buḷoinea ibanea.

HAKIM MITA 17:1

Oyúon in intau ḷoḷaki ki Mikha in tangoinea. Sia in nogutun kon buḷud kon butá in Epraim.

HAKIM MITA 7:24

Bo kon bayongan doman in butá kon buḷud in Epraim, ki Gideon nokidia doman in tongganut tanaa, “Koḻigai mosiḻig bo momarang kon intau in Midian. Ḷukadaidon in Ongkag in Yordan bo bayongan in tapánea modapot kon Bet-Bara. Dika pomayá mako in intau in Midian ḷumoḷan kon tua.” Dá intau mita in Epraim inanutan domandon, bo mosia in noḷukad kon Ongkag in Yordan bo bayongan in tapá nodapot in Bet-Bara.

HAKIM MITA 5:14

Mosia in minayá nongkon Epraim nopobayá in ḷopá, dinumudui kon tontara i Benyamin inta nopipid kon muna monia. Nongkon Makhir namangoidon in panglima mita, bo nongkon Zebulon sinimindogdon in porwira mita.

YOSUA 17:18

Gamádon in butá inta kon buḷud, sin umpaka butá tatua kayuonpa, motaaubí inginon monimu intua bo baḻíon kapunyaan monimu komintan. Bo soaḷ intau mita in Kanaan tatua, kountunanbí monimu in mosia, umpakabí in mosia moropot bo kokereta mita in parang inta pinomia nongkon uatoi.”

YOSUA 17:15

Ki Yosua notubag, “Popisí in moiko noiḻiudon in antó, nodapot butá kon buḷud in Epraim mosisídon kon i monimu, dá bayádon kon butá in intau in Peris bo Repaim. Ponaḷundon kon butá mita inta kon buḷud bo baḻídon butá monimu tontaní.”

HAKIM MITA 3:26

Koyogotpa in mosia mogoḷat mako, ki Ehud noḷaguidon minayá ná Seira nongin batu mita inta kinurig.

HAKIM MITA 10:1

Naonda in ki Abimelek minatoi, ki Tola ki adí i Pua, nobaḻí itoi sin mopoḷuat kon intau in Israel. Sia naa in ki ompu i Dodo nongkon suku i Isakhar. Sia in nogutun kon Samir kon buḷud in Epraim.

NEHEMIA 4:14

Naonda in inontongku kon rayat in moondok, noguman in akuoi kon i monia, bo kon mototundú mita bo itoi mita, “Dika moondok kon musung! Toropdon in ki Tuhan inta moropot bo inta motoyang, bo poḷongasidon moyotakin sin kopontingan i utatmu mita, bo kon adí mita bo kon i buḷoi bo baḷoimu!”