HAKIM MITA 21:4 - Alkitab Singog In Mongondow Masa In Tanaa

⁴ Nopoikoḷomai kon singgai, subupa totok, umat in Israel noposindogdon in mezbah kon tua, bodongka noposumba kon i Tuhan in kuruban payongon bo kuruban pondamean.

HAKIM MITA 21:4 Referans Kwoze

SAMUEL 2 24:25

Bo noposindogdon in ki Daud in mezbah kon tua kon i Tuhan bo noposumba in kuruban payongon takin kuruban dodamean. Ki Tuhan in nokidongogdon kon sambayang i Daud, bo nopaḷutdon in yampoi tatua kon Israel.

IBRANI 13:10

Oyúonbí in meja pobobogoian naton kon sosumba kon i Allah. Bo imang mita inta nogaid kon bonu in Baḷoi Tuhan, diábí motaau in mokaan kon kuruban inta kon tudu in meja tatua.

HOSEA 5:15

Umat-Ku in taḷaan-Kubí modapot in roriga kon i monia tugatdon popisí in dosanea mita, bo mamangoi sin motayak kon i-Nakó. Degá kon bonu in roriganea, mosia in moḷongasi moyodungkuḷ-Ku.”

DATU MITA IMITÁNEA 8:64

Singgai tatua doman ki Salomo nonoguḷapat kon dotá in yuak in palas inta kon tayowon in Baḷoi Tuhan tua. Onda intua kon palas tatua sia in noposumba in kuruban payongon, kuruban gandum bo ḷongó in mahaḷuk ogoi nobaḻí kuruban dodamean. Bayongan tua in pinosumbanea kon tua sin mezbah bitú diádon tugat pobonuan kon bayongan in sosumba tatua.

SAMUEL 2 24:18

Kon singgai doman tatua ki Gad in namangoi kon tayowon i Daud bo noguman kon inia, “Aka motaau yo poponikpa in ki Tuang kon tampat poḷoḻintogan kon gandum inta kapunyaan i Arauna, bo posindogdon i mezbah kon i Tuhan.”

HAKIM MITA 6:26

Posindogdon kon tua in mezbah tobatú inta ain inaidan sinompia mangoi. Onda intua sapi koḷakian tatua komintan, musti tubáanmu komintan mobaḻí kuruban kon i Tuhan. Pondungúdon in kayu oigi inta nobaḻí lambang i Dewi Asyera inta ain inumpagmu tua.”

ULANGAN 12:5

Nongkon bayongan butá in suku in mita Israel, ki Tuhan Allahmu in momiḻíbí kon tampat tobatú sinbá bangusa naton motaau mamangoi in tayowon-Nea bo mosumba kon i-Nia.

HAKIM MITA 21:3

“O Tuhan, Allah in Israel, nongonu sin bayongan in naa in mustibí mobaḻí? Suku i Benyamin, suku tobatú kon bangusa nami, gogiódon in moputú!”

SAMUEL 1 7:17

Umuranbí natua bo mopaḷut mako mobuidon in sia kon baḷoinea kon Rama. Kon tua sia nobaḻí hakim kon intau in Israel bo noposindog doman in mezbah tobatú kon i Tuhan.

HAKIM MITA 6:24

Bo ki Gideon noposindog in mezbah tobatú kon tua bo sinangoiannea “Ki Tuhan Pangkoi in Kobiagan Motompia”. Mezbah tatua oyúonpa kon Opra, inta kotá intau in Abiezer.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.