HAKIM MITA 21:21 - Alkitab Singog In Mongondow Masa In Tanaa

²¹ bo poḷukadon kon tua. Bain aka mongodeaga mita in Silo ḷumuai sin momanari kon dodai in poramean taongan kon i Tuhan, moiko in mustidon ḷumuai nongkon gobá mita in anggur tatua. Bo kon batúannea in mustidon modomok kon mongodeaga tumongobatú kon sigad monia bo diaan monimu poḷagui kon butá in Benyamin sin baḻíon ki buḷoimu.

HAKIM MITA 21:21 Referans Kwoze

HAKIM MITA 11:34

Naonda in ki Yepta nobui nongkon Mizpa, ki adínea mongodeaga namangoi nonontomu kon inia sindaḷan nomanari takin notobog kon rebana. Tongábí totobatú tua in ki adínea bobay.

IḶUAIAN 15:20

Bo ki Miryam, nabi bobay tobatú, ki guya-guyang i Harun, nogamá kon rebananea, bo bayongan bobay dinumudui notobog kon rebana sindaḷan notayok.

LUKAS 17:25

Táe Sia in munapabí mokorasa kon roriga bo diápabí tarimaan in intau mita masa in tanaa.

MATIUS 10:17

Táe mokopoingat, sin oyúon in moposarakan kon i monimu kon itoi mita in agama. Bo sikisaan monia in moiko kon baḷoi pososambayangan.

YEREMIA 31:13

Kon dodai intua mongodeaga mita in motayok takin kinoibog in gina. Guyanga bo tayow mobiag tumpaḷa moḷunganga in gina, sin Akuoi in moḻipoibí kon i monia. Kuyang in gina monia baḷuian-Ku in pia in gina, robonoḷ in gina baḷuaian-Ku in ḷunganga in gina.

MOHOHUTUBA 3:4

Ki Allah in nonantú kon wakutu mongombaḷ bo wakutu kumosing, wakutu mogamui bo wakutu motayok,

MAZMUR 150:4

Dayowdon in Sia in rebana bo tayok, dayowdon in Sia in kecapi bo bansí.

MAZMUR 149:3

Dayowdon in tangoi-Nea pongin tayok mita, dayowdon in Sia in kecapi bo rebana!

SAMUEL 2 6:21

Ki Daud in notubag, “Akuoi naa in notayok sin mohoromatbí kon i Tuhan, inta ain nondoí kon i amámu bo kon motoḷuadínea, bo nomiḻí kon inakó nobaḻí itoi in Israel, umat-Nea. Tuamai umuranbí in akuoi motayok sin mohoromat kon i Tuhan.

SAMUEL 2 6:14

Onda intua notayokdon totok in ki Daud takin ḷunganga in gina sin mohoromat kon i Tuhan. Kon dodai intua tongá in sia nomaké in sosapi linen inta nopoḷok inta sinogot kon ogotannea.

SAMUEL 1 18:6

Kon dodai in ki Daud nobui naonda in nonaḷow mako kon i Goliat intau in Pilistin tatua, bo tontara mita nopipid in sinumuot kon bonu in kotá, bobay mita iḻumuai nongkon bayongan in kotá kon Israel sin motomu kon i Datu Saul. Mosia in nopodondong in dondong ḷunganga in gina, mosia notayok takin nopogogitog in rebana bo kecapi.

HAKIM MITA 21:20

Dá intau mita inta sinon itoi kon pinoyodungkuḷan kon Betel tatua in noguman kon intau mita in Benyamin inta ki agatnea tatua, “Bayádon in moiko pogadop kon gobá mita in anggur kon Silo,

DONDONG MOḶANTUD 6:13

Potayokdon, ei mongodeaga in Sulam, tantúdon poḻibu, sinbá mokosanang kon inami. Nongonu sin moiko in moibogbí moindoi kon inakó, bokaka akuoi in notayok kon yua-yuak in pipidan intau moantó inta namangoi noindoi?