HAKIM MITA 21:19 - Alkitab Singog In Mongondow Masa In Tanaa

¹⁹ “Nanaa,” guman monia, “oyúon in daḷannea, oḷatdon kon dodai in poramean taongan kon i Tuhan kon Silo.” (Kon dotá in toḷatan Silo tanaa oyúon in kotá in Betel, bo kon dotá in toyopannea oyúon in daḷan moḷoben in Betel mopobayá ná Sikhem, bo kon dotá in utuannea oyúon in kotá in Lebona.)

HAKIM MITA 21:19 Referans Kwoze

YOHANES 7:2

Dodai intua diádon moonggot bo porayaan kon Singgai Moḷoben in Pondok Daun.

YOHANES 5:1

Noiduduimai kon tua oyúon in pinorayaan kon Singgai Moḷoben in intau Yahudi, dá ki Yesus in minayá in Yerusalem.

MAZMUR 81:3

Tobogdon in rebana, pododondongdon in dondong, kutidon in gambus bo kecapi kopiaan.

SAMUEL 1 1:3

Pomuḷoi in taong in ki Elkana mayá nongkon Rama sin moibada kon Silo bo moposumba in kuruban kon i Tuhan Inta Totok in Mokawasa. Imang i Tuhan kon dodai intua kon Silo in ki Hopni bo ki Pinehas, adí mita i Eli.

HAKIM MITA 18:31

Patong berhala inta pinomia i Mikha tatua umuranbí kon Lais kon dodai in Ḷoḷaigan i Tuhan kon Silo.

YOSUA 18:1

Naonda in nopotungkud mako in butá inta pinodandi i Tuhan, bayongan umat in Israel noyosipun kon Silo, bo mosia noposindog in Ḷoḷaigan Koangoian i Tuhan.

ULANGAN 16:13

“Naonda in bayongan gandummu mopaḷutdon rata bo bayongan bungai in anggurmu nopaḷutdon pinugut, moiko in musti moraya kon Singgai Moḷoben Pondok Daun pitu nosinggai in koonggotnea.

ULANGAN 16:10

bo porayaaidon in Rame Posipunan kon Boyó sin mohoromat kon i Tuhan Allahmu. Kon singgai tatua diádon in sosumba ibog in gina kon i-Nia podudui in kobayong in rijiki inta ain inogoi-Nea kon inimu.

ULANGAN 16:1

“Rayaaidon in Paska kon buḷan Abib sin mohoromat kon i Tuhan Allahmu, sin kon bonu in buḷan tatua, kon dodai in doḷom, Sia in nopoḷuai kon i monimu nongkon Mesir.

PINOGIAPAN 29:12

Kon singgai impuḷú bo ḻima buḷan noginpitu moiko in musti momia kon poyodungkuḷan sin moibada, bo diábí motaau in mogaid kon oaidan inta mobogat. Kon bonu in pitu nosinggai moiko musti momia kon porayaan sin mohoromat kon i Tuhan.

PINOGIAPAN 28:26

Kon singgai dungkuḷ kon Pesta Posipunan kon boyó, singgai moḷoben nopaḷut mako kon pitu nodiminggu, kon dodai in moiko moposumba in gandum mobagu kon i Tuhan, moiko in musti momia kon poyodungkuḷan sin moibada, bo diá in motaau mogaid kon oaidan inta mobogat.

PINOGIAPAN 28:16

Kon singgai impuḷú bo opat buḷan noginmitá, tua in singgai in Paska kon i Tuhan.

PINOGIAPAN 10:10

Ná doman tua in kon singgai mita poramean, ramean mita Buḷan Mobagu bo porayaan mita monimu ibanea, torompet tatua musti irupon kon dodai in moiko moposumba in kuruban payongon bo kuruban podamean kon i-Nakó. Dá tuḷungan-Ku in moiko. Akuoi in ki Tuhan Allahmu.”

IMAMAT 23:6

Mobangon monik, kon singgai mopuḷú bo ḻima, momangkoidon in Singgai Moḷoben Roti diá in Ragi, bo kon bonu in pitu nosinggai moiko in diábí motaau mokaan kon roti inta iragian.

IMAMAT 23:4

Naa in singgai mita moḷoben inta ain sinantú i Tuhan bo inta musti potaau kon wakutu inta ain sinantú.

IMAMAT 23:2

in atorang mita kon singgai moḷoben in agama, inta musti potaau mobaḻí singgai moḷoben poibadaan.

HAKIM MITA 21:20

Dá intau mita inta sinon itoi kon pinoyodungkuḷan kon Betel tatua in noguman kon intau mita in Benyamin inta ki agatnea tatua, “Bayádon in moiko pogadop kon gobá mita in anggur kon Silo,