HAKIM MITA 20:42 - Alkitab Singog In Mongondow Masa In Tanaa

⁴² Dá, noḷaguidon in mosia nongkon intau mita in Israel nopobayá ná padang gurun, táe diá in mosia nokoḷagui. Kinokopungandon in mosia in tontara mita ḷontú in intau Israel bo tontara mita inta kon dodai intua koyogotdon mopoangoi nongkon kotá. Sinaḷowdon totok in intau in Benyamin.

HAKIM MITA 20:42 Referans Kwoze

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.

HOSEA 9:9

Totuu moraat in aidmu naonda bo inta inaidan in intau kon Gibea. Ki Allah in monoropbí kon taḷámu, bo mohukum kon i monimu popisí in dosamu.

OMBAḶ 1:3

Intau mita in Yohuda in nonaḷámaidon kon butánea, popisí in sinonggata bo totokdon in mororiga. Tanaa in mosia in nogutundon kon yua-yuak in bangusa mita takin diá in tampat inta mobogoi in kobiagan motompia. Musung mongopung kon i monia kon dodai in mosia nororiga.

YOSUA 8:24

Naonda in tontara mita in Israel nopaḷut noḻimod kon tontara in musung inta nondudur kon i monia kon padang gurun, nobuidon in mosia kon Ai, bo noḻimod kon bayongan in intau inta kon tua.

YOSUA 8:15

Ki Yosua bo intaunea mita in ki ubo-uboḷmai umundok; mosia in noribatuk nopobayá in padang gurun.