HAKIM MITA 20:25 - Alkitab Singog In Mongondow Masa In Tanaa

²⁵ Bo kon induanea domandon in intau mita in suku Benyamin iḻumuai nonubu. Kon tanaa mosia noḻimod kon tontara mita in Israel 18.000 in kobayongnea.

HAKIM MITA 20:25 Referans Kwoze

HAKIM MITA 20:21

Dá tontara mita in suku Benyamin iḻumuai domandon bo nonubu bo noḻimod kon tontara in Israel kon singgai tua 22.000 in kobayongnea.

SURAT I PAULUS KON JAMAAT RUM 11:33

Totuu motoyang tabi i Allah! Totuu doman moḷoben in kabijaksanaan bo pongotahuan-Nea! Ki inebí in mokotaridi kon kaputusan-Nea mita tatua? Ki ine doman in momangarti kon pogogaid-Nea?

SURAT I PAULUS KON JAMAAT RUM 3:5

Táe aka koadilan i Allah moniatadon totok, popisí in kita nogaid kon inta diá totuu, yo onu in singogon naton? Degá diá moadil aka ki Allah mohukum kon i naton? (Ḷoḻibó tanaa in mopiabí saḷaku intau.)

SURAT I PAULUS KON JAMAAT RUM 2:5

Táe moiko totok motogat in gina bo doí momaḷui kon gogutú. Dá mangaḻenea kon tua moiko bidon tontaní in modugang kon roriga in hukuman kon i monimu kon Singgai Tumi, aka popoontongdon i Allah in torú-Nea bo hukuman inta moadil.

MAZMUR 97:2

Sia in iḻipung in goḷom bo sindip; kooadil bo hukum in nobaḻí dodoyonan in pomarentaan-Nea.

KINOBAḺIAN 18:25

Donaaidon intau mita inta diá kotaḷá tua poyoyanúon ḻimodon takin intau mita inta kotaḷá. Donaai kaasí Tuhan! Sin aka aidan i Tuhan intua, yo intau inta diá kotaḷá tua in pasti hukumon doman moyotakin in intau mita inta kotaḷá. Umpaka hakim in dunia naa mogaid kon inta diá moadil!”

HAKIM MITA 20:24

Kon induaneadon in mosia in minayá nonubu kon tontara in suku Benyamin tatua.

HAKIM MITA 20:26

Dá buidon minayá in umat in Israel kon Betel bo nongombaḷ kon i Tuhan. Kon tua in mosia nopuasa nodapot in doḷom noposumba in kuruban pondamean bo kuruban payongon kon i Tuhan.

KINOBAḺIAN 49:27

Ki Benyamin in serigala inta morogi. Kon wakutu in doḷo-doḷom sia modomok kon kokaanonnea. Onda in doḷom silaionnea intua magí-mako.”

HOSEA 10:9

Ki Tuhan in noguman, “Pinangkoi kon kinobaḻian kon Gibea, intau in Israel diápa doman nogogai in mogaid kon dosa moḷawang kon i-Nakó. Tuamai in kon Gibea mosia in dapangon doman in parang.