HAKIM MITA 2:16 - Alkitab Singog In Mongondow Masa In Tanaa

¹⁶ Nopobui-buimaidon in ki Tuhan nobogoi in itoi kon i monia sin moḷongasi ḷumuat kon musung mita inta mamangoi mogagow.

HAKIM MITA 2:16 Referans Kwoze

OUMAN IN RASUL MITA 13:20

Tua komintan in nobaḻí kon bonu in opat nogatut bo ḻima nopuḷú notaong in koonggotnea. Naonda in sinilai butá in Kanaan tatua, inogoian i Allah in hakim in mosia. Hakim pangabisan in ki Nabi Samuel.

SAMUEL 1 12:11

Onda intua ki Tuhan nopotabá kon i Gideon, onda intua ki Barak, nopaḷut mako kon tua ki Yepta, bo pangabisannea in akuoi. Kon batúan nami ain nopoḷuat kon i monimu nongkon musungmu, dá moiko in notaaudon nobiag noaman.

NEHEMIA 9:27

dá pinosarakan-Mudon in mosia kon musungnea inta takin raat in nongawasa bo nondorot kon i monia. Táe kon bonu in roriga inta noiantug, mosia in nokuani kon ini-Mu nopoigum in totuḷung. Nongkon soroga inindogogan-Mu; takin tabi moḷoben sinubagan-Mu. Pinotabá-Mu mangoi in itoi bo intau mita mobarani inta nopoḷuat kon i monia nongkon musung.

HAKIM MITA 3:15

Táe naonda in umat Israel nokuani nokituḷung kon i Tuhan, inogoi i Tuhan in ki Ehud sin nopoḷuat kon i monia. Ki Ehud naa in ḻimanea koḷoigi in moropot; sia in ki adí i Gera nongkon suku Benyamin, bo sia tua inta biasamai mogatod kon i Datu Eglon kon iba inta musti uboḻian in umat in Israel.

HAKIM MITA 6:14

Onda intua ki Tuhan nobogoi in parenta tanaa kon i Gideon, “Takin bayongan in ropotmu bayádon poḷuat in intau Israel nongkon kawasa intau in Midian. Akuoibí in nopotabá kon inimu.”

HAKIM MITA 4:5

Ki Debora in biasamai ḻimitú mako kon siungon in pangkoi in kurma, kon sigad in Rama bo Betel, kon buḷud in Epraim. Bo kon tuata in intau mita in Israel mamangoi mopoigum in tonggina kon inia.

HAKIM MITA 10:1

Naonda in ki Abimelek minatoi, ki Tola ki adí i Pua, nobaḻí itoi sin mopoḷuat kon intau in Israel. Sia naa in ki ompu i Dodo nongkon suku i Isakhar. Sia in nogutun kon Samir kon buḷud in Epraim.

RUT 1:1

Kon tungkuḷ in Israel diápa in datu, butá in Kanaan kino antugan in roriga moḷoben nodapot in kinodaitan in kaanon. Kon dodai intua oyúon in ḷoḷaki tobatú tangoinea in ki Elimelekh. Sia in nongkon inanakan in Eprata, bo nogutun kon Betlehem kon butá in Yohuda. Popisí in kinoantugan roriga dapot in diádon in kaanon tatua, dá minayádon in sia kon butá in Moab takin i buḷoinea inta ki Naomi in tangoinea, bo ki adínea ḷoḷaki doyowa: ki Mahlon bo ki Kilyon. Bo nogutun in mosia kon Moab. Kon tungkuḷ in kon tuapa in mosia,

HAKIM MITA 3:31

Itoi noiduduimai kon tua in ki Samgar ki adí i Anat. Sia in totok doman in irumopot nopoḷuat kon intau in Israel. Takin nomaké in tungkud pobobuntun kon sapi, sia noḻimod kon 600 in intau in Pilistin.

HAKIM MITA 11:32

Bo ki Yepta iḷumoḷan kon Ongkag in Yordan sin monubu kon intau in Amon, bo pinopountung i Tuhan in sia.

SAMUEL 1 14:48

Sia in moparang moḷoḷaki bo mobarani bo nonaḷow kon intau in Amalek, poḷat nopoḷuat kon intau in Israel nongkon kawasa in intau mita inta mogogagow.