HAKIM MITA 19:26 - Alkitab Singog In Mongondow Masa In Tanaa

²⁶ Naonda in subudon bobay tatua nobui, táe kon tayowon ngara in baḷoi in guranga tatua, baḷoi inta pinogogaian i buḷoinea ḷoḷaki, noumpag in sia bo diádon nonotaau in intau. Naonda in mata in singgai nomukádon kon tuapa doman in sia.

HAKIM MITA 19:26 Referans Kwoze

PETRUS 1 3:6

Natuabí doman in ki Sara. Sia in motoindudui totok kon i Abraham ki buḷoinea, bo sinangoinea doman ki tuangnea. Moiko nion ki adíbí mita i Sara, aka umuran mogaid kon mopia bo diá doman moondok kon yagi-yagi.

HAKIM MITA 19:27

Doḷo-doḷom tua, naonda in ki buḷoinea ḷoḷaki nobangon bo nomukatdon kon ḷoḻingkop sin mayádon, inontongnea in ki buḷoinea tatua noisiugdon mako kon tayowon in baḷoi takin noikadai mako kon ḷoḻingkop.

HAKIM MITA 19:3

intau in Lewi tatua minayá nomatuk kon inia sin modondouḷug bui kon inia. Sia minaya takin bobantungnea tobatú bo keledai doyowa. Naonda in noyaput kon tua, bobay tatua nodia kon inia kon tayowon i amánea. Onda in ki amá in bobay tatua nokoontong kon inia, sinomunea takin pia in gina,

KINOBAḺIAN 18:12

Tuamai ki Sara in kinumosing kon bonu in ginanea bo noguman, “Akuoi naa ain nogoguyang bo noḷaotdon nanaa, yo umpaka mosiugpa doman moyotakin i buḷoiku? Apapa doman ki buḷoiku nogoguyang domandon.”

HAKIM MITA 19:25

Táe popisí in intau mita moraat tatua umuran momakisa totok, dá intau in Lewi tatua nonuḷudon kon i buḷoinea ibanea tatua pinoḷuai kon i monia. Bo mosia nopoyo-poyoḷuan in nomogutú kon bobay tatua dapot in doḷo-doḷom.