HAKIM MITA 19:19 - Alkitab Singog In Mongondow Masa In Tanaa

¹⁹ Diábí in kami moparaḷu kon ibanea mako, tugatbí in tongkaaḷ nami. Oyúonbí in kaanon in biag bo kaanon in keledai nami; oyúonbí doman in roti bo anggur kaanon bo inumon nami motoḷuadí takin bobantungku naa.”

HAKIM MITA 19:19 Referans Kwoze

KINOBAḺIAN 24:25

“Kon baḷoi nami oyúonbí in posiugan i Amá bo nobarong doman in wawa pokaan kon bobiagon mita.”

HAKIM MITA 19:18

Intau in Lewi tatua notubag, “Kami naa in bagu namangoi nongkon Betlehem kon Yohuda, bo kon binayáanpa mobui kon baḷoi kon moyayú kon buḷud in Epraim. Nongkon tua in akuoi. Diá tobatúmai in intau kon kotá tanaa in mogoiní kon inami bo mogogaipa kon baḷoinea.

IḶUAIAN 5:7

“Dikadon mobogoi in wawa kon bangusa tatua sin pogaid kon tela. Pomayádon mako in mosia mayá motayak tontaní.

OUMAN IN RASUL MITA 10:23

Dá inoinídon i Petrus in mosia bo sinumuot kon bonu in baḷoi poḷat sinahangneapa bo pinoki siugandon kon tua. Nopoikoḷomai kon singgai, ki Petrus in nobangon bo minayá noyotakin monia takin tongonumai in intau inta mopirisaya.

OUMAN IN RASUL MITA 16:15

Dá mosia tobaḷoian in nodait binaptis. Naonda in nopaḷut binaptis, inoinínea in kami poḷat noguman in sia, “Aka rasaanmai i utat mita kon akuoi in totu-totuu bidon mopirisaya kon i Tuhan Yesus, dá koḻigai mongandupa kon baḷoiku.” Totoknea in pakisaan sinbá duduianpa nami in oigumnea tatua.