HAKIM MITA 17:5 - Alkitab Singog In Mongondow Masa In Tanaa

⁵ Ki Mikha naa in koyongandon oyúon in tobatú tampat pososumbaannea. Sia in nomia kon tongonumai in patong berhala bo todit in epod bo noduí kon i adínea ḷoḷaki tobatú nobaḻí imang.

HAKIM MITA 17:5 Referans Kwoze

HAKIM MITA 18:14

Intau toimata taya ḻima inta muna pinotabá tatua noguman kon yobayatnea mita, “Bá kotaauandon monimu kon baḷoi tobatú kon naa oyúon in patong inta inaipan in saḷaka! Oyúon doman in patong mita ibanea bo epod. Raika mongo onu in musti pomiaan naton.”

HAKIM MITA 8:27

Nongkon buḷawan mita tatua, ki Gideon nomia kon patong berhala, bo pinosindognea kon ḻipúnea inta kon Opra. Bayongan in intau in Israel minayá intua sin nosumba kon patong berhala tatua, nodapot in mosia diádon noindoimai kon i Allah. Bo soaḷ tatua in nobaḻí naonda bo poyogaḷap tobatú kon i Gideon bo motoḷuadínea.

KINOBAḺIAN 31:19

Kon dodai intua ki Laban kon tampat ponggonsingan kon bubuḷ in domba, koyogot doman monggonsing kon bubuḷ in dombanea mita, bo kon dodai intuata ki Rahel nonakow kon patong kapunyaan i amánea.

HAKIM MITA 18:24

Ki Mikha notubag, “Moiko nogamá kon patongku mita bo imangnea, nodapot in diádon koonu bo onu in akuoi, bo moiko in noguman, ‘Onu in nobaḻí!’ ”

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

HOSEA 3:4

Natuabí doman in bangusa in Israel; noonggotdon totok in mosia in musti mobiag takin diá in datu andeka itoi, takin diá in kuruban andeka tugu mita mokaramat, takin diádon in berhala mita andeka ajimat mita inta mopotaau in onu inta noibunipa kon singgai moidudui.

IḶUAIAN 29:9

bo baan kon i monia, bo bogot in uḷu popotogot domandon kon uḷu monia. Natuata in pododuí kon i Harun bo kon i adínea mita. Mosia bo buí monia in musti mobantung kon i-Nakó mobaḻí imang inta mononoi.

IḶUAIAN 28:15

“Pomiaaidon kon oḻingoi in dodob tobatú in ki Imang Moḷoben sin pakéon kon dodai in sia motayak kon onu in kinoibog i Allah. Bahan bo sujian oḻingoi in dodob tatua musti motongkai in touḷut bo sujian in ḷambung epod.

IBRANI 5:4

Diábí in tobatúmai intau in gumogina in umaḻí Imang Moḷoben sin intau mobaḻí imang, aka moibog in ki Allah mogoiní kon inia bo mokiaid in oaidan tatua, ná ki Harun.

HOSEA 8:14

Intau in Israel noposindog in komaḻig mita, táe mosia in nokoḻiong kon i Inta nomaḻí kon i monia. Intau in Yohuda nodugang kon kobayong in kotá mita inta dininding, táe Akuoi in mopoonagbí in tuḷú sin momagong kon bayongan in komaḻig bo kotá mita monia.”

EZRA 1:7

Ki Kores nopoḷuai in mangko mita bo galas mita inta paraḷu pakéon kon Baḷoi Tuhan kon Yerusalem. Pakakat mita tatua in inakutdon i Datu Nebukadnezar bo inukat kon bonu in kuil i dewanea mita tontaní.

DATU MITA IMITÁNEA 12:31

Ki Yerobeam in noposindog domandon in tampat pososumbaan ibanea kon tudu mita in buḷud, bo noduí doman in sia kon imang mita nongkon sigad in motoḷuadí mita inta deeman suku in Lewi.

SAMUEL 1 23:6

Naonda in ki Abyatar ki adí i Ahimelek noḷagui minayá kon i Daud, bo dinumudui kon i Daud minayá in Kehila, sia in nodia doman kon epod.

IḶUAIAN 28:4

Pokiaidai doman in mosia in oḻingoi in dodob, epod, jubah, ḷambung inta iḷambáan, kaeng suruban bo baan. Ki Harun ki guya-guyangmu takin ki adínea mita musti pogaidan monia kon pakeang imang sinbá mosia in motaau mobantung kon i-Nakó mobaḻí imang.

IḶUAIAN 24:5

Bo ki Musa nopotabá in tongonumai tayowmobiag, bo mosia noposumba in kuruban inta sinubá kon i Tuhan bo poḷat noratá kon tongonumai in sapi sin pinokuruban nobaḻí kuruban dodamean.

PINOGIAPAN 3:10

Táe ki Harun bo ki adínea mita in musti baḻíon-Ku imang sin mogaid kon oaidan-Ku, koḻikud in mosia, yo ki ineka in monungkuḷ mopobayá in oaidan tatua musti hukumon dapot in matoi.”

HAKIM MITA 17:4

Dá naonda in ki Mikha nopobui in doit tatua kon i inánea, ki inánea nogamá kon doyowa nogatut in doit tatua, bo inogoinea kon intau inta mononontaḷ kon saḷaka. Bo nokiaid in sia kon mononontaḷ tatua in patong kayu inta inaipan in saḷaka tatua. Onda intua patong tatua inukat kon baḷoi i Mikha.

HAKIM MITA 18:30

Patong berhala inta dinia monia tatua, pinosindog monia kon kotá tatua bo nopobaḻí kon i Yonatan, ki adí, i Gersom, ki ompu i Musa, nobaḻí imang monia. Buí i Gersom naa in umuran nobaḻí imang in suku Dan tatua nodapot kon tungkuḷ in umat Israel dinia bo iḷumbú kon butá intau ibanea.

YESAYA 44:13

Mogogimok kon kayu in mogukur kon kayu. Gambaronnea in kapur onu in aidannea bo kurigonnea in pakakatnea bo aidannea patong in intau inta moḷunat, bo ukatonnea kon bonu in baḷoinea.

YEHEZKIEL 21:21

Datu in Babel in sinimindog kon diug in dopí totundú in daḷan tatua. Sinbá kotaauannea mongo onda in daḷan inta bayáannea, dá nopoigum in sia kon totundú kon berhala mita, monguḻingkó kon bobong pinobonuan kon piot bo monaridi kon poat in mahaḷuk inta bagu pinokuruban.

SAMUEL 1 19:13

Nopaḷut mako kon tua ki Mikhal nogamá kon patong dewa in tonibuḷoinea bo inukatnea kon tosiugan i Daud. Bo kon dotá in uḷuannea inukatannea in oḷunan inta nongkon bubuḷ in bembé, bodongka dinaingannea in daing.

DATU MITA IMITÁNEA 12:32

Onda intua ki Yerobeam nonampat kon imang mita tatua kon Betel sin mopobayá in oaidan monia kon tua bo sia tontaní in noposumba in kuruban kon sapi mita buḷawan inta pinomianea tatua. Bo nonantúdon in sia kon singgai impuḷú boḻima buḷan noginwaḷu nobaḻí singgai moḷoben in Israel, notongkai ná singgai moḷoben kon Yohuda. Kon singgai tatua ki Yerobeam minayá in Betel bo noposumba in kuruban sin morame kon singgai moḷoben inta ain sinantúnea tatua.

YEHEZKIEL 21:26

Akuoi, ki Tuhan Inta Totok in moḷantud ain nosingog. Ḷuatdon in mahkotamu bo bukádon in bogot in uḷumu. Tanaa, nobaḷuidon in kaadaan. Sintakdon in ḷoḻitúan in intau bogá bo ogoiaidon in mosia in kawasa! Poponagdon in mongongawasa nongkon ḷoḻitúannea!