HAKIM MITA 17:3 - Alkitab Singog In Mongondow Masa In Tanaa

³ Ki Mikha nopobui in doit tatua kon i inánea, bo ki inánea in noguman, “Bá iko, adíku, moiḷuat nongkon odi-odi inta ain siningogku tatua, yo posumbaku in saḷaka tanaa kon i Tuhan sin pakéon pogaid kon patong kayu inta inaipan in saḷaka. Dá doit tatua in pobuionkudon kon inimu.”

HAKIM MITA 17:3 Referans Kwoze

IḶUAIAN 20:4

Dika in moiko momia kon i monimu in patong inta batangannea ná onuka inta kon ḷangit, kon butá ande kon bonu in tubig inta kon ḻimonag in butá.

IMAMAT 19:4

Dika mosumba kon toḻindua i Tuhan. Dika momia kon patong nongkon logam bo sumbáan monimu. Akuoi in ki Tuhan Allahmu.

IḶUAIAN 20:23

Dika mogaid kon i monimu in patong mita saḷaka ande buḷawan sin sumbáan monimu ponoḻindua kon i-Nakó.

YOHANES 16:2

Moiko in poḷuaionbí nongkon baḷoi mita in pososambayangan. Bo moiangoibí in wakutunea kon intau inta moḻimod kon i monimu in mosangka kon sia tua in dinumuduibí kon parenta i Allah.

YEREMIA 10:8

Pamandot bo bodok in mosia komintan sin dewa monia in tongábí kayu, diábí motaau motundú kon inta oyúon in mangaḻenea.

YESAYA 66:3

Táe bangusa tatua in mogaid kon onu in koibog monia; mopia in gina monia kon pooibada inta mokorongó. Kon i monia diábí in yoposinea: mopokuruban in sapi koḷakian bo mopokuruban in intau, mopokuruban in ki adí in domba bo momutoḷ kon sigogow in ungkú; moposumba in gandum bo mopokuruban in dugú in boké, motubá kon kamania bo mosumba kon patong.

HAKIM MITA 18:5

Bo mosia in noguman kon inia, “Aka natua, yo tuḷungaipa bo ḻibó kon i Allah mongo bobayáan nami naa in mokodungkuḷ kon onu inta sinayak andeka diá.”

HAKIM MITA 17:13

Dá ki Mikha noguman, “Akuoi in noyakinbí kon tanaa in ki Tuhan in momiadon kon inta mopia kon inakó sin oyúondon in intau in Lewi inta nobaḻí imangku.”

ULANGAN 12:3

Umpagdon in mezbah mita monia bo rimumudon in batu mita inta inanggap monia mokaramat. Tubádon in lambang mita i Asyera, bo rimumudon in patong mita berhala monia, dá ilah mita tatua in diá bidon sumbáan kon tampat mita tatua.

IḶUAIAN 34:17

Dika momia poḷat mosumba kon ilah mita inta pinomia nongkon logam.

HAKIM MITA 17:2

Kon singgai tobatú sia in noguman kon i inánea, “Iná, kon tungkuḷ in ki iná kinobuḻian in toribu bo mogatut in doit saḷaka, dinongogku ki iná in nogodi-godimai kon intau inta nonakow. Naa, Iná, in doit tatua! Akuoibí in nonakow.” Ki inánea notubag, “Igumon mako iko in barakatan i Tuhan, adíku!”

HAKIM MITA 17:4

Dá naonda in ki Mikha nopobui in doit tatua kon i inánea, ki inánea nogamá kon doyowa nogatut in doit tatua, bo inogoinea kon intau inta mononontaḷ kon saḷaka. Bo nokiaid in sia kon mononontaḷ tatua in patong kayu inta inaipan in saḷaka tatua. Onda intua patong tatua inukat kon baḷoi i Mikha.

HAKIM MITA 18:30

Patong berhala inta dinia monia tatua, pinosindog monia kon kotá tatua bo nopobaḻí kon i Yonatan, ki adí, i Gersom, ki ompu i Musa, nobaḻí imang monia. Buí i Gersom naa in umuran nobaḻí imang in suku Dan tatua nodapot kon tungkuḷ in umat Israel dinia bo iḷumbú kon butá intau ibanea.

YESAYA 30:22

Patong mita in berhalamu inta inoḻitan in saḷaka bo buḷawan in ḷumbúonbí monimu naonda bo apat, poḷat moguman, “Bayádon nongkon tayowonku!”

ULANGAN 27:15

Intau mita in Lewi: ‘Kinutuk in intau mita inta mogaid kon patong nongkon batu, kayu ande logam, bo sumbaannea umado-adop; ki Tuhan in doíbí kon posumbaan kon toḻindua in Allah!’ Bayongan rayat: ‘Amin!’

TAWARIKH 2 33:7

Patong in berhala inukatnea kon bonu in Baḷoi Tuhan, bokaka tampat tatua in pinoguman bidon i Allah kon i Daud bo kon i Salomo ki adínea ḷoḷaki, “Baḷoi-Ku kon Yerusalem naa, inta ain piniḻí-Ku nongkon sigad in mopuḷú bodoyowá in butá in suku Israel, in tampat inta ain sinantú-Ku nobaḻí tampat pooibadaan kon i-nakó modapot in mononoi.