HAKIM MITA 17:10 - Alkitab Singog In Mongondow Masa In Tanaa

¹⁰ Ki Mikha noguman, “Pogutundon takinku kon naa, sinbá iko in mobaḻí monononggina bo imang nami. Bain ogoianku iko in mopuḷú in doit saḷaka pomuḷoi in taong, bo pakeang takin kaanon.”

HAKIM MITA 17:10 Referans Kwoze

PETRUS 1 5:2

ḷukadaibí monimu kopiaraan in domba i Allah inta ain pinosarakan kon i monimu. Ḷukadai takin sanang in gina ná inta kinoibog i Allah, dikabí tongá pakisa in gina. Bo dika doman mogaid kon oaidan tatua tongá sakadar motayak kon kauntungan tontaní, táe aidaibí intua sin lantaranbí moiko totu-totuubí moibog mopobayá in oaidan i Allah.

TIMOTIUS 1 6:10

Sin pomangkoian in bayongan inta moraat naa in ibogbí kon doit. Aindon tongonumai degá in intau inta umuran moramuji motayak kon doit, sahingga in diádon dinumudui kon totundú in agama Keresten, dá tongádon roriga in moiantug kon i monia bo inta mokoajar doman kon gina in kodungkuḷan monia tua.

YOHANES 12:6

Ki Yudas noguman natua, deemanbí popisí sia moibog monarukira kon intau bogá táe popisíbí in sia mononakow. Sia mokakitdon in mogamá kon doit nongkon kas in doit inta pinoki kadai kon inia.

MATIUS 26:15

Bo noḻibó, “Onu in ogoi monimu kon i nakó, aka Sia posarakanku kon i monimu?” Dá inogoian monia in doit saḷaka toḷu nopuḷú in sia.

YEHEZKIEL 13:19

Moiko in nopoompámaidon kon i-Nakó kon tayowon in umat-Ku tongá bá mokouḻí kon tongonumai noyangkom in makoya bo tongonumai noputoḷ in roti. Intau mita inta diá kotaḷá, ḻimodon monimu bo intau mita inta patus matoi pinomayá mako monimu mobiag. Bo moiko in monguboḷ kon umat-Ku bo mosia in mopirisaya kon inimu.’ ”

YESAYA 22:21

Ḷambung in jabatanmu bo togot in ogotanmu popopaké-Kudon kon inia. Bayongan in kawasamu ogoi-Kudon kon inia. Sia in mobaḻídon amá kon intau inta nogutun kon Yerusalem bo Yohuda.

AYUB 29:16

Aka kon intau nobogá, akuoi in nobaḻí ki amá; kon intau ango-angoi, akuoi in nobaḻí mododuḷu.

DATU MITA 2 13:14

Kon singgai tobatú ki Nabi Elisa in notakit moyoyiga, bo ki Datu Yoas in namangoi noindoi kon inia. Naonda in inontongnea kon ki Elisa in motoyongdon matoi, ki datu tatua in nongombaḷ bo noguman, “Amáku, Amáku, inta mototuḷung moḷoben in Israel!”

DATU MITA 2 6:21

Naonda in inontong i datu in Israel in intau mita in Siria, noḻibó in sia, “Elisa, degá ḻimodonku in intau mita tanaa?”

SAMUEL 1 2:36

Pomuḷoi in bui inta nobiagpa, in mayábí kon i imang tatua sin moigum kon doit bo kaanon. Sia in mopoigum: Ogoiaipa in akuoi in wakutu motuḷung kon imang mita, sinbá akuoi mokouḻí kon kaanon umpaka tongá komintan kaanon.”

HAKIM MITA 17:11

Tayowmobiag intau in Lewi tatua noibog, bo sia in dinuí i Mikha nobaḻí imangnea. Sia in nogutun kon baḷoi i Mikha bo pinomia naonda bo ki adí i Mikha tontaní.

KINOBAḺIAN 45:8

Dá sabanarnea in deemanbí moiko in nokopopisí kon inakó noiangoi in naa, táe ki Allahbí. Binaḻídon i Allah in akuoi pogawai i datu inta kon ḻimonik in bayongan pogawainea kon Mesir naa. Akuoi ain inogoian in kawasa kon bayongan komaḻignea bo bayongan butá in Mesir.

HAKIM MITA 17:9

Ki Mikha noḻibó kon inia, “Intau in onu in ki utat?” Intau tatua in notubag, “Akuoi naa intau in Lewi nongkon Betlehem kon Yohuda. Akuoi in yogot motayak kon tampat pogutunan.”

HAKIM MITA 18:4

Tayowmobiag tatua notubag, “Akuoi in kon naa sin inoiní i Mikha. Sia in noduí kon inakó nobaḻí imangnea, bo nobogoi in tondan in pogaidanku.”

DATU MITA 2 2:12

Inontong i Elisa intua bo nomaḷú in sia, “Elia, Amáku! Amáku! Moḷoḷukad kon Israel inta motorindog! Diádon in ki Amá!” Dá diádon inontong i Elisa in ki Elia. Takin robonoḷ in dodob ki Elisa nomerak kon jubahnea nosilai doyowa,