HAKIM MITA 16:15 - Alkitab Singog In Mongondow Masa In Tanaa

¹⁵ Onda intua ki Delila noguman kon inia, “Ah, kainimu iko in motabi kon inakó táe ginamu in deemanbí kon inakó! Kotoḷudon in iko nopoyambá kon inakó, bo umaai in tanaa iko in doí doman mopotaau kon inakó nongonu sin iko in totokbí in moropot námai tua.”

HAKIM MITA 16:15 Referans Kwoze

HAKIM MITA 14:16

Tuamai, ki buḷoi Simson minayá kon i Simson sindaḷan mongombaḷ, bo poḷat noguman, “Kinotaauankudon kon iko naa in diábí motabi kon inakó. Nongonu sin iko in nobogoibí in tangkí kon yobayatku mita, táe diábí pogumanmu kon inakó in mangaḻenea? Notantú bidon kon iko nion in morongóbí kon inakó!” Guman i Simson, “Oḷatpa muna! Kon gurangakupa tontaní in diábí pinopotaauanku, yo nongonu sin iko in popotaauankubí?”

YOHANES 1 5:3

Sin aka motabi kon i Allah yo mustibí motoindudui kon parenta-Nea mita. Bo parenta-Nea mita in diábí mobogat kon i naton,

YOHANES 15:10

Aka moiko umuran mogaid kon inta pinarenta-Ku, yo moiko in umuran mosatia in dumudui kon tabi-Ku, ná doman Akuoi inta umuran mosatia kon tabi i Amá-Ku sin umuran nopobayá in parenta-Nea mita.

YOHANES 14:15

“Aka moiko in motabi kon i-Nakó, yo moiko in dumuduibí kon parenta-Ku mita.

AMSAL 23:26

Tondudut kopira bo duduidon kon kobobiagku, adíku!

AMSAL 2:16

Iko, adíku, in mokotaḻingbí kon dondouḷug in bobay sundaḷ inta moḷongasi modondouḷug kon inimu pongin tosingogon mita inta mopia.

SAMUEL 2 16:17

Táe ki Absalom in noḻibó kon inia, “Kon onda in satiamu kon yobayatmu ki Daud? Nongonu sin iko in diábí dinumudui kon inia?”

ULANGAN 6:5

Kotabibí in ki Tuhan Allahmu takin bayongan ginamu: Poniata intua kon bonu in kobiaganmu bo oaidmu.

KINOBAḺIAN 29:20

Dá ki Yakub in nogaidon pitupa notaong in koonggotnea sinbá sia in motaau motonibuḷoi takin i Rahel, táe korasaannea pitu notaong tua in tongá inanggapnea naonda bo tongonumai nosinggai, sin popisí in ibognea totok kon i Rahel tua.

HAKIM MITA 16:14

Dá ki Delila noposiugdon kon i Simson dapot in noḷoḷot bo sinuḷapidneadon in pitu nougat in buok i Simson kon siningkoi kon pakakat pososuji. Nopaḷut mako kon tua pinopotogotnea kon kayu pakakat pososuji tatua bodongka nomaḷú, “Simson! Intau in Pilistin nion!” Dá nobangondon in ki Simson bo nogugut kon buoknea dapot in nougut nongkon pakakat pososuji tatua.

HAKIM MITA 16:16

Pomuḷoi in singgai ki Delila mongombaḷmai bo mondodak, dá nobúdon in ki Simson in nokodongog.

NEHEMIA 6:4

Noidapot in koopat mosia nokidia in sonsoma inta ná tatua kon inakó, bo tantúku doman ogoian in totubag inta notongkai.